ನಿಜಾಮುದ್ದೀನ್ ಸಭೆಯಲ್ಲಿ ಭಾಗಿಯಾದ ಐವರಿಗೆ ಕ್ವಾರಂಟೈನ್.. ಯಾದಗಿರಿ ಜಿಲ್ಲಾಧಿಕಾರಿ

ಕೊರೊನಾ ಭೀತಿ ಹಿನ್ನೆಲೆ ಕಳೆದ ಮಾ.15 ರಂದು ದೆಹಲಿಯಲ್ಲಿ ನಡೆದ ಮುಸ್ಲಿಂ ಸಮುದಾಯದ ಧಾರ್ಮಿಕ ಕಾರ್ಯಕ್ರಮ ನಿಜಾಮುದ್ದೀನ್ ಮಸೀದಿ ಜಮಾತನಲ್ಲಿ ಭಾಗವಹಿಸಿದ ಯಾದಗಿರಿ ಜಿಲ್ಲೆಯ 5 ಜನರನ್ನು ಪತ್ತೆ ಹಚ್ಚಿ ಜಿಲ್ಲಾಡಳಿತದಿಂದ ಅವರ ಆರೋಗ್ಯ ತಪಾಸಣೆ ನಡೆಸಲಾಗುತ್ತಿದೆ.

ಯಾದಗಿರಿ : ದೆಹಲಿಯ ನಿಜಾಮುದ್ದೀನ್ ಮಸೀದಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಯಾದಗಿರಿ ಜಿಲ್ಲೆಯಿಂದ ಕೂಡ 5 ಜನ ದೆಹಲಿಗೆ ತೆರಳಿ ವಾಪಸ್ ಆಗಿದ್ದರು. ಅವರನ್ನ ಪತ್ತೆ ಹಚ್ಚಿ ಜಿಲ್ಲಾಡಳಿದಿಂದ ಆರೋಗ್ಯ ತಪಾಸಣೆ ನಡೆಸಲಾಗುತ್ತಿದೆ.

ನಿಜಾಮುದ್ದೀನ್ ಮಸೀದಿ ಜಮಾತ್‌ನಲ್ಲಿ ಭಾಗಿಯಾದ ಐವರಿಗೆ ಕ್ವಾರಂಟೈನ್..

ಕಳೆದ ಮಾ.15 ರಂದು ದೆಹಲಿಯಲ್ಲಿ ನಡೆದ ಮುಸ್ಲಿಂ ಸಮುದಾಯದ ಧಾರ್ಮಿಕ ಕಾರ್ಯಕ್ರಮ ನಿಜಾಮುದ್ದೀನ್ ಮಸೀದಿ ಜಮಾತ್‌ನಲ್ಲಿ ದೇಶದ ನಾನಾಕಡೆಯಿಂದ ಅಪಾರ ಪ್ರಮಾಣದಲ್ಲಿ ಜನರು ಭಾಗವಹಿಸಿ ವಾಪಸ್ ತೆರಳಿದ್ದರು. ಇದರಿಂದ ಕೊರೊನಾ ಹರಡಿರುವ ಭೀತಿ ಎದುರಾದಂತಾಗಿದೆ. ಹೀಗಾಗಿ ಕಾರ್ಯಕ್ರಮದಲ್ಲಿ ಭಾಗಿಯಾದ ಜನರನ್ನ ಪತ್ತೆ ಹಚ್ಚುವ ಕಾರ್ಯ ನಡೆದಿದೆ. ಯಾದಗಿರಿ ಜಿಲ್ಲೆಯಿಂದ 5 ಜನ ನಿಜಾಮುದ್ದೀನ್ ಜಮಾತ್‌ನಲ್ಲಿ ಭಾಗಿಯಾಗಿ ವಾಪಸ್ ಆಗಿರುವುದು ಬೆಳಕಿಗೆ ಬಂದಿದೆ. ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಜಿಲ್ಲಾಧಿಕಾರಿ ಎಂ.ಕೂರ್ಮಾರಾವ್, ದೆಹಲಿಯಿಂದ ಬಂದ ಈ 5 ಜನರಿಗೂ ಗುರುಮಠ್ಕಲ್ ತಾಲೂಕಿನ ಅರಿಕೇರಾ(ಕೆ) ಬಳಿಯ ವಸತಿ ಶಾಲೆಯಲ್ಲಿ ಕ್ವಾರಂಟೈನ್​ನಲ್ಲಿಡಲಾಗಿದೆ. ಇವರೆಲ್ಲರ ಮೇಲೆ ಆರೋಗ್ಯಾಧಿಕಾರಿಗಳು ತೀವ್ರ ನಿಗಾ ಇರಿಸಿದ್ದಾರೆ.