ಹೋಂ ಕ್ವಾರಂಟೈನ್​​​ ಬಳಿಕ ಕೊರೊನಾ ಪರೀಕ್ಷೆಗೆ ಒಳಗಾದ ವಿಜಯಪುರ ಎಸ್​​ಪಿ

ರಾಜ್ಯದ ಹಲವು ಪೊಲೀಸ್​ ಠಾಣೆಗಳು ಕೊರೊನಾದಿಂದಾಗಿ ಸೀಲ್​​ ಡೌನ್ ಆದರೆ, ನೂರಾರು ಪೊಲೀಸರು ಸಹ ಸೋಂಕಿಗೆ ಒಳಗಾಗಿದ್ದಾರೆ. ಈ ನಡುವೆ ಇಲ್ಲಿನ ಎಸ್​​​ಪಿ ಅನುಪಮ್​ ಅಗರ್​ವಾಲ್​ ಗಂಟಲು ದ್ರವ ಪರೀಕ್ಷೆಗೆ ಒಳಗಾಗಿದ್ದಾರೆ. ಈ ಮೊದಲು ಹೋಂ ಕ್ವಾರಂಟೈನ್​​​​​ಗೆ ಒಳಗಾಗಿದ್ದ ಎಸ್​​ಪಿ ಈಗ ಕೊರೊನಾ ಪರೀಕ್ಷೆಗೂ ಒಳಗಾಗಿದ್ದಾರೆ.

ವಿಜಯಪುರ: ಕೊರೊನಾ ಆರ್ಭಟದಿಂದ ಪೊಲೀಸ್ ಇಲಾಖೆ ಸಹ ಭಯದಲ್ಲೇ ಕಾರ್ಯನಿರ್ವಹಿಸುತ್ತಿದೆ. ಈಗಾಗಲೇ ಎರಡು ಬಾರಿ ವಿಜಯಪುರದ ವಾಟರ್ ಟ್ಯಾಂಕ್ ಬಳಿಯ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕಚೇರಿ ಸೀಲ್​​​ ಡೌನ್ ಮಾಡಲಾಗಿದೆ. 7-8 ಪೊಲೀಸ್ ಠಾಣೆಗಳು ಸಹ ಸೀಲ್ ​​​​ಡೌನ್ ಆಗಿವೆ.

ಹಲವು ಪೊಲೀಸ್ ಸಿಬ್ಬಂದಿ ಕೊರೊನಾ ಪಾಸಿಟಿವ್​​​​​ನಿಂದ ಆಸ್ಪತ್ರೆಗೆ ದಾಖಲಾಗಿ ಮರಳಿ ಕರ್ತವ್ಯದಲ್ಲಿದ್ದಾರೆ. ಅಲ್ಲದೆ ಎಸ್​​​ಪಿ ಅನುಪಮ್ ಅಗರವಾಲ್ ಒಂದು ಬಾರಿ ಹೋಂ ಕ್ವಾರಂಟೈನ್ ಸಹ ಆಗಿದ್ದರು. ಇದೀಗ ಗಂಟಲು ದ್ರವ ಪರೀಕ್ಷೆಗೂ ಒಳಗಾಗಿದ್ದಾರೆ.

ಸೋಮವಾರ ಬಾಗಲಕೋಟೆ ರಸ್ತೆಯಲ್ಲಿರುವ ಎಸ್​​ಪಿ ನಿವಾಸದಲ್ಲಿ ಸ್ವ್ಯಾಬ್ ಟೆಸ್ಟ್​​ಗೆ ಒಳಗಾಗಿದ್ದಾರೆ. ಎಸ್​​ಪಿ ಅನುಪಮ್ ಅಗರ್​​ವಾಲ್ ಅವರ ನಿವಾಸದ ಉದ್ಯಾನವನದಲ್ಲಿ ಇಬ್ಬರು ಆರೋಗ್ಯ ಸಿಬ್ಬಂದಿ ಪಿಪಿಇ ಕಿಟ್ ಧರಿಸಿ ಎಸ್​​ಪಿಯವರ ಗಂಟಲು ದ್ರವ ಪಡೆದುಕೊಂಡರು.