ಮುದ್ದಿನ ಶ್ವಾನಕ್ಕೆ ಅದ್ಧೂರಿ ಸೀಮಂತ ಕಾರ್ಯ ಮಾಡಿದ ನಿವೃತ್ತ ಪಿಎಸ್​ಐ ಕುಟುಂಬ

ಪ್ರಾಣಿಗಳಂದ್ರೆ ಕೆಲವರಿಗೆ ಪಂಚಪ್ರಾಣ. ಮನೆಯಲ್ಲಿ ಮಕ್ಕಳಂತೆ ಸಾಕುವುದುಂಟು. ಇದಕ್ಕೆ ಪೂರಕವೆಂಬಂತೆ ಇಲ್ಲೊಂದೆಡೆ ಮುದ್ದಿನ ಶ್ವಾನಕ್ಕೆ ಮನೆಮಂದಿ ಸೇರಿ ಅದ್ಧೂರಿಯಾಗಿ ಸೀಮಂತ ನೆರವೇರಿಸಿದ್ದಾರೆ.

ಮುದ್ದೇಬಿಹಾಳ : ಬೆಕ್ಕು, ನಾಯಿಗಳಂತಹ ಸಾಕು ಪ್ರಾಣಿಗಳ ಬರ್ತ್​ ಡೇ ಮಾಡುವುದನ್ನು ನೀವೆಲ್ಲ ಕೇಳಿದ್ದೀರಿ, ನೋಡಿದ್ದೀರಿ. ಆದರೆ ಇಲ್ಲಿ ಇನ್ನೂ ಒಂದು ಹೆಜ್ಜೆ ಮುಂದೆ ಹೋಗಿರುವ ನಿವೃತ್ತ ಪಿಎಸ್​ಐವೊಬ್ಬರ ಮನೆಯ ಸದಸ್ಯರು, ಸಾಕಿದ ಶ್ವಾನಕ್ಕೆ ಸೀಮಂತ ಕಾರ್ಯ ಮಾಡುವ ಮೂಲಕ ವಿಶೇಷ ಶ್ವಾನ ಪ್ರೀತಿ ತೋರಿದ್ದಾರೆ.

ವಿದ್ಯಾನಗರದ ನಿವೃತ್ತ ಪಿಎಸ್​ಐ ಟಿ.ಜೆ.ನೆಲವಾಸಿ ಅವರ ಮನೆಯಲ್ಲಿರುವ ಜೂನ್ ಎಂಬ ಲ್ಯಾಬ್ರಡಾರ್ ತಳಿಯ ಶ್ವಾನ ಗರ್ಭ ಧರಿಸಿದ್ದ ಹಿನ್ನೆಲೆಯಲ್ಲಿ ಶುಕ್ರವಾರ ಅದಕ್ಕೆ ಶಾಲು ಹೊದೆಸಿ ಹೂ ಮುಡಿಸಿ ಬೇಕಾದ ತಿಂಡಿ ತಿನಿಸುಗಳನ್ನು ಕೊಟ್ಟಿದ್ದಾರೆ. ಅಲ್ಲದೇ ಆರುತಿ ಕೂಡಾ ಬೆಳಗಿದ್ದಾರೆ.

ಈ ಬಗ್ಗೆ ಮಾತನಾಡಿದ ರೇಣುಕಾ ನೆಲವಾಸಿ ಅವರು, ನಮ್ಮ ಮನೆಯ ಕುಟುಂಬ ಸದಸ್ಯರಲ್ಲಿ ಒಬ್ಬರಂತಿರುವ ಜೂನ್‌ಳ ಸೀಮಂತ ಕಾರ್ಯ ಮಾಡುವ ಮೂಲಕ ನಮ್ಮ ಪ್ರೀತಿ ಅದಕ್ಕೆ ತೋರಿಸಿದ್ದೇವೆ ಎಂದು ಸಂತಸ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ : ಗರ್ಭಿಣಿ ಶ್ವಾನಕ್ಕೆ ಅದ್ದೂರಿಯಾಗಿ ಸೀಮಂತ ಮಾಡಿದ ಹುಬ್ಬಳ್ಳಿ ಕುಟುಂಬ...