ವಿಜಯಪುರದಲ್ಲಿ ಐವರು ಕೊರೊನಾ ಸೋಂಕಿತರು ಗುಣಮುಖ

ವಿಜಯಪುರದಲ್ಲಿ 5 ಜನ ಕೊರೊನಾ ಸೋಂಕಿತರು ಗುಣಮುಖರಾಗಿದ್ದು, ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಾರೆ.

ವಿಜಯಪುರ: ಕೊರೊನಾ ವೈರಸ್‌‌ನಿಂದ ಗುಣಮುಖರಾದ 5 ಜನರನ್ನು ಜಿಲ್ಲಾಸ್ಪತ್ರೆಯಿಂದ ಬಿಡುಗಡೆ ಮಾಡಲಾಯಿತು.

ಜಿಲ್ಲೆಯಲ್ಲಿ ಒಟ್ಟು 43 ಕೊರೊನಾ ಸೋಂಕಿತರ ಪೈಕಿ ಇಬ್ಬರು ಸಾವನ್ನಪ್ಪಿದ್ದಾರೆ. ಇದುವರೆಗೂ 11 ರೋಗಿಗಳು ಚೇತರಿಸಿಕೊಂಡು ಜಿಲ್ಲಾಸ್ಪತ್ರೆಯಿಂದ ಡಿಸ್ಚಾರ್ಜ್‌ ಆಗಿದ್ದಾರೆ.

ಇಂದು ಪಿ 306 - 65 ವರ್ಷದ ವೃದ್ಧ, ಪಿ 307 - 66 ವರ್ಷದ ವೃದ್ಧ, ಪಿ 308 - 37 ವರ್ಷದ ಯುವಕ, ಪಿ 210 - ಒಂದೂವರೆ ವರ್ಷದ ಹೆಣ್ಣು ಮಗು ಹಾಗೂ ಪಿ 362 - 60 ವರ್ಷದ ವೃದ್ಧ ಕೊರೊನಾ ಮುಕ್ತರಾಗಿದ್ದಾರೆ.

ಇಂದು ಕೊರೊನಾ ವೈರಸ್‌ನಿಂದ ಗುಣಮುಖರಾದ ಐದು ಜನರನ್ನು ಜಿಲ್ಲಾಸ್ಪತ್ರೆ ವೈದ್ಯಾಧಿಕಾರಿಗಳು ಚಪ್ಪಾಳೆ ತಟ್ಟುವ ಮೂಲಕ ಬೀಳ್ಕೊಟ್ಟರು.