ಉಡುಪಿ: ಮಣಿಪಾಲದ ನಿವಾಸಿ ಸುಲೋಚನ ಎಂಬುವರು ಫ್ಲಿಪ್ಕಾರ್ಟ್ ಮೂಲಕ ಕುಕ್ಕರ್ ಆರ್ಡರ್ ಮಾಡಿದ್ದು, ಪಾರ್ಸೆಲ್ನಲ್ಲಿ ಮನೆ ಕಟ್ಟುವ ಇಟ್ಟಿಗೆ ಬಂದಿದೆ. ಇಟ್ಟಿಗೆ ನೋಡಿ ಆಶ್ಚರ್ಯಗೊಂಡ ಸುಲೋಚನ ಫ್ಲಿಪ್ಕಾರ್ಟ್ ಕಂಪನಿಗೆ ದೂರು ನೀಡಿದ್ದಾರೆ.
ಆನ್ಲೈನ್ ಮೂಲಕ ಸಾಕಷ್ಟು ವ್ಯವಹಾರಗಳು ನಡೆಯುತ್ತಲೇ ಇದೆ. ಜನರು ಮನೆಯಲ್ಲೇ ಕುಳಿತು ಮೊಬೈಲ್ ಮೂಲಕ ಆನ್ಲೈನ್ನಲ್ಲಿ ಆರ್ಡರ್ ಮಾಡಿದರೆ ಮನೆಗೆ ವಸ್ತುಗಳು ಬಂದುಬಿಡುತ್ತವೆ. ಇತ್ತೀಚೆಗೆ ಸರಿಯಾಗಿ ಜನರು ಅಂಗಡಿ-ಮುಂಗಟ್ಟುಗಳ ಕಡೆಗೆ ಮುಖ ಮಾಡುವುದನ್ನೇ ಮರೆತುಬಿಟ್ಟಿದ್ದಾರೆ. ಆದ್ರೆ ಕೆಲವೊಮ್ಮೆ ಈ ಆನ್ಲೈನ್ ಆರ್ಡರ್ ಮೂಲಕ ಕೂಡ ಜನ ಮೋಸ ಹೋಗುತ್ತಾರೆ.
ಹದಗೆಟ್ಟ ದೆಹಲಿ ಹವಾಮಾನ: ಗೋವಾದಲ್ಲಿ ಸೋನಿಯಾ ಗಾಂಧಿ ಸೈಕಲ್ ಸವಾರಿ - ವಿಡಿಯೋ
ಹೌದು, ಸುಲೋಚನ ಅವರು ಫ್ಲಿಪ್ಕಾರ್ಟ್ ಮೂಲಕ ಕುಕ್ಕರ್ ಅನ್ನು ಮೂರು ಸಾವಿರ ರೂಪಾಯಿಗೆ ಆರ್ಡರ್ ಮಾಡಿದ್ದಾರೆ, ಆದರೆ ಪಾರ್ಸಲ್ ತೆಗೆದು ನೋಡುದಾಗ ಅಲ್ಲಿ ಕುಕ್ಕರ್ ಬದಲಾಗಿ ಮನೆ ಕಟ್ಟುವ ಇಟ್ಟಿಗೆ ಇತ್ತು. ಇದರಿಂದ ಆಶ್ಚರ್ಯಗೊಂಡ ಸುಲೋಚನ ಫ್ಲಿಪ್ಕಾರ್ಟ್ ಕಂಪನಿಗೆ ದೂರು ನೀಡಿದ್ದಾರೆ. ಇವರಿಗೆ ಫ್ಲಿಪ್ಕಾರ್ಟ್ ಕಂಪನಿಯಿಂದ ಮೋಸ ಆಗಿದೆಯಾ ಅಥವಾ ಪಾರ್ಸಲ್ ತಲುಪಿಸುವ ಹುಡುಗರ ಕರಾಮತ್ತು ಏನಾದರೂ ಇದೆಯಾ ಎಂದು ತಿಳಿಯಬೇಕಾಗಿದೆ.
