ಪವರ್​ಸ್ಟಾರ್​ ಪುನೀತ್ ಪುತ್ಥಳಿ ಸ್ಥಾಪಿಸಿ ಪುನೀತರಾದ ಭೀಮನೇರಿ ಗ್ರಾಮಸ್ಥರು..

ಪುನೀತ್​ ಇಹಲೋಕ ತ್ಯಜಿಸಿದ ನಂತರ ಅವರ ನೆನಪಿನಲ್ಲಿ ಏನಾದರೂ ಮಾಡಬೇಕೆಂದುಕೊಂಡಿದ್ದ ಭೀಮನೇರಿ ಗ್ರಾಮಸ್ಥರು ಪುನೀತ್ ರಾಜ್​ಕುಮಾರ್ ಸದಾ ನೆನಪಿನಲ್ಲಿ ಉಳಿಯುವಂತೆ ಮಾಡಿದ್ದಾರೆ.

ಶಿವಮೊಗ್ಗ: ಪವರ್​ಸ್ಟಾರ್​ ಪುನೀತ್ ರಾಜ್​ಕುಮಾರ್ ನಮ್ಮನ್ನು ಅಗಲಿ ಆರು ತಿಂಗಳು ಕಳೆದಿದೆ. ಆದರೂ ತಮ್ಮ ನೆಚ್ಚಿನ ನಟನ ಮೇಲಿನ ಅಭಿಮಾನವನ್ನು ಇನ್ನೂ ಅಭಿಮಾನಿಗಳು ಕಳೆದುಕೊಂಡಿಲ್ಲ. ಇದಕ್ಕೆ ಸಾಕ್ಷಿ ಎಂಬಂತೆ ಸಾಗರ ತಾಲೂಕಿನ ಭೀಮನೇರಿ ಗ್ರಾಮಸ್ಥರು ಸುಮಾರು 8 ಲಕ್ಷ ರೂ. ವೆಚ್ಚದಲ್ಲಿ ನಟ ಪುನೀತ್ ರಾಜ್​ಕುಮಾರ್​ ಅವರ ಎರಡು ಅಡಿ ಎತ್ತರದ ಪುತ್ಥಳಿಯನ್ನು ಸ್ಥಾಪಿಸಿದ್ದಾರೆ. ಭೀಮನೇರಿ ಗ್ರಾಮದ ಮುಖ್ಯ ವೃತ್ತದಲ್ಲಿ ಅಪ್ಪು ಪುತ್ಥಳಿಯನ್ನು ಸ್ಥಾಪಿಸಲಾಗಿದೆ.

ಪುನೀತ್​ ಇಹಲೋಕ ತ್ಯಜಿಸಿದ ನಂತರ ಅವರ ನೆನಪಿನಲ್ಲಿ ಏನಾದರೂ ಮಾಡಬೇಕೆಂದುಕೊಂಡಿದ್ದ ಗ್ರಾಮಸ್ಥರು ತಾವೇ ಯೋಚಿಸಿ, ಪುನೀತ್​ ರಾಜ್​ಕುಮಾರ್ ಪುತ್ಥಳಿಯನ್ನು ಸ್ಥಾಪಿಸಿ ಸದಾ ನೆನಪಿನಲ್ಲಿ ಉಳಿಯುವಂತೆ ಮಾಡಿದ್ದಾರೆ. ಇದಕ್ಕಾಗಿ ತಮ್ಮೂರಿನಲ್ಲಿಯೇ ಹಣವನ್ನು ಸಂಗ್ರಹಿಸಿದ್ದಾರೆ. ಗ್ರಾಮದ ಗುರು- ಹಿರಿಯರು ಸೇರಿಕೊಂಡು ಪುನೀತ್​ ಅಗಲಿದ ಆರು ತಿಂಗಳಿಗೆ ಪುತ್ಥಳಿ ಸ್ಥಾಪಿಸಿದ್ದಾರೆ.

ಪುತ್ಥಳಿ ಸ್ಥಾಪನೆಯ ಸವಿನೆನಪಿಗೆ ಗ್ರಾಮಸ್ಥರು ರಕ್ತದಾನ ಶಿಬಿರ ನಡೆಸಿದ್ದು, ಗ್ರಾಮದ ಯುವಕರು ರಕ್ತದಾನ ಮಾಡಿದ್ದಾರೆ. ಅಲ್ಲದೆ, ಅನ್ನಸಂತರ್ಪಣೆ ನಡೆಸಿದ್ದಾರೆ. ಈ ಗ್ರಾಮದಲ್ಲಿ ಪುನೀತ್​ರ ನ್ನು ನೆಚ್ಚಿನ ನಟರನ್ನಾಗಿ ಅಲ್ಲದೆ ತಮ್ಮಲ್ಲಿ ಒಬ್ಬನಾಗಿ ನೋಡಿದ್ದಾರೆ. ಗ್ರಾಮಸ್ಥರು ಪುತ್ಥಳಿಗೆ ಪೂಜೆ ಸಲ್ಲಿಸಿ, ಭಕ್ತಿಭಾವ ಮೆರೆದಿದ್ದಾರೆ.

ಪುತ್ಥಳಿಯ ಕೆತ್ತನೆಯನ್ನು ಕೆಳದಿಪುರದ ವಸಂತನಾಯ್ಕ್ ಅವರು ಮಾಡಿದ್ದಾರೆ. ಪುನೀತ್​ ಅವರ ನಗುಮುಖದ ಭಾವವನ್ನು ಕೆತ್ತಲು ಸಾಕಷ್ಟು ಕಷ್ಟಕರವಾಗಿದ್ರು ಸಹ ತಮಗೆ ತಿಳಿದಂತೆ ಕೆತ್ತನೆ ಮಾಡಲಾಗಿದೆ. ಅವರು ಎಲ್ಲರಿಗೂ ಸ್ಫೂರ್ತಿಯಾಗಿದ್ದವರು ಎನ್ನುತ್ತಾರೆ ಕಲಾವಿದ.

ಓದಿ: 'ಜೀವನ ಎಷ್ಟೊಂದು ದುರ್ಬಲ ಎಂಬುದಕ್ಕೆ ಮತ್ತೊಂದು ಉದಾಹರಣೆ': ಗಾಯಕ ಕೆಕೆ ನಿಧನಕ್ಕೆ ಗಣ್ಯರ ಕಂಬನಿ