ಮತ್ತೆ ವಕ್ಕರಿಸಿದ ಮಹಾಮಾರಿ ಮಂಗನಕಾಯಿಲೆ : ಮಲೆನಾಡಿನಲ್ಲಿ ಮೊದಲ ಬಲಿ

ಶಿವಮೊಗ್ಗ, ಜಿಲ್ಲೆಯಲ್ಲಿ ಮಂಗನ ಕಾಯಿಲೆಗೆ ಮಹಿಳೆಯೂರ್ವರು ಬಲಿ ಆಗಿರುವ ವರದಿ ತಡವಾಗಿ ಬೆಳಕಿಗೆ ಬಂದಿದ್ದು, ಮೃತರ ಮನೆಗೆ  ಮಾಜಿ ಸ್ಪೀಕರ್​ ಕಾಗೋಡು ತಿಮ್ಮಪ್ಪ ಭೇಟಿ ನೀಡಿ ಸಾಂತ್ವಾನ ಹೇಳಿದ್ದಾರೆ.

ಶಿವಮೊಗ್ಗ: ಜಿಲ್ಲೆಯಲ್ಲಿ ಮಂಗನ ಕಾಯಿಲೆಗೆ ಮಹಿಳೆಯೂರ್ವರು ಬಲಿ ಆಗಿರುವ ವರದಿ ತಡವಾಗಿ ಬೆಳಕಿಗೆ ಬಂದಿದ್ದು, ಮೃತರ ಮನೆಗೆ ಮಾಜಿ ಸ್ಪೀಕರ್​ ಕಾಗೋಡು ತಿಮ್ಮಪ್ಪ ಭೇಟಿ ನೀಡಿ ಸಾಂತ್ವಾನ ಹೇಳಿದ್ದಾರೆ.

ಸಾಗರ ತಾಲೂಕು ಶರಾವತಿ ಹಿನ್ನೀರಿನ ಶಿಗೇಮಕ್ಕಿಯ ಹೊವಮ್ಮ (58) ಕೆಎಫ್​ಡಿಗೆ ಬಲಿಯಾದ ಮಹಿಳೆಯಾಗಿದ್ದಾರೆ. ಹೊವಮ್ಮ ಮಣಿಪಾಲದ‌ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ.

ತೀವ್ರ ಜ್ವರ ದಿಂದ ಬಳಲುತ್ತಿದ್ದ ಅವರು. ಸಾಗರ ತಾಲೂಕು ತುಮರಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ತಪಾಸಣೆ ನಡೆಸಿದ ನಂತ್ರ ಕೆಎಫ್​ಡಿ ಪಾಸಿಟಿವ್ ಪತ್ತೆಯಾದ ನಂತ್ರ ಹೆಚ್ಚಿನ ಚಿಕಿತ್ಸೆಗೆ ಮಣಿಪಾಲ್ ಆಸ್ಪತ್ರೆಗೆ ದಾಖಲಾಗಿದ್ದರು. ಚಿಕಿತ್ಸೆಗೆ ಸ್ಪಂದಿಸದೆ ಅವರು ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ.

ಮೃತರ ಮನೆಗೆ ಮಾಜಿ ಸ್ಪೀಕರ್​ ಕಾಗೋಡು ತಿಮ್ಮಪ್ಪ ಭೇಟಿ ಸಾಂತ್ವನ ಹೇಳಿದ್ದಾರೆ. ಅಲ್ಲದೆ ಎಲ್ಲರು ಕೆಎಫ್​ಡಿ ಲಸಿಕೆ ಹಾಕಿಸಿಕೊಂಡು ಡಿಎಂಪಿ ಆಯಿಲ್ ಬಳಸಬೇಕು ಎಂದು ಕರೆ ನೀಡಿದರು. ಈ ವೇಳೆ ಕೆಎಫ್​ಡಿ ಉಪ‌ ನಿರ್ದೇಶಕ ಡಾ.ಕಿರಣ್, ತುಮರಿ ಗ್ರಾಮ ಪಂಚಾಯತ ಸದಸ್ಯ ಸತ್ಯನಾರಾಯಣ ಜೊತೆ ಇದ್ದರು.