ಆರೋಗ್ಯಕ್ಕಾಗಿ ವೃದ್ಧ ದಂಪತಿಯಿಂದ ವಿಶೇಷ ಪ್ರಾರ್ಥನೆ; ಹರಕೆ ತೀರಿಸಲು ಗುಜರಾತ್‌ನಿಂದ-ತಿರುಪತಿಗೆ ಪಾದಯಾತ್ರೆ

ಆರೋಗ್ಯ ಸರಿಪಡಿಸುವಂತೆ ಪ್ರಾರ್ಥಿಸಿ ಗುಜರಾತ್ ಮೂಲದ ಈ ವೃದ್ಧ ದಂಪತಿ ತಿರುಮಲ ವೆಂಕಟೇಶ್ವರ ಸ್ವಾಮಿಯಲ್ಲಿ ವಿಶೇಷ ಹರಕೆ ಕಟ್ಟಿಕೊಂಡಿದ್ದರಂತೆ. ಕಾಲಾ ನಂತರದಲ್ಲಿ ತಮ್ಮ ಪ್ರಾರ್ಥನೆ ಫಲಿಸಿದ್ದು ಸ್ವಾಮಿಯ ದರ್ಶನಕ್ಕೆಂದು ಇದೀಗ ಸಾವಿರಾರು ಕಿಲೋ ಮೀಟರ್ ದೂರವನ್ನು ಪಾದಯಾತ್ರೆ ಮೂಲಕ ಕ್ರಮಿಸಿ, ಹರಕೆ ತೀರಿಸಲು ತೆರಳುತ್ತಿದ್ದಾರೆ.

ರಾಯಚೂರು: ದೃಷ್ಠಿದೋಷದಿಂದ ಬಳಲುತ್ತಿದ್ದು 5 ಬಾರಿ ಶಸ್ತ್ರಚಿಕಿತ್ಸೆಗೆ ಒಳಗಾಗಿರುವ ಗುಜರಾತ್‌ ಮೂಲದ ಪ್ರಮೋದ್ ಎಂಬವರು ತನ್ನ ಹಾಗೂ ಪತ್ನಿಯ ಆರೋಗ್ಯ ಸುಧಾರಣೆಗೆ ತಿರುಮಲ ವೆಂಕಟೇಶ್ವರ ಸ್ವಾಮಿಯನ್ನು ಪ್ರಾರ್ಥಿಸಿ ವಿಶೇಷ ಹರಕೆ ಕಟ್ಟಿಕೊಂಡಿದ್ದರಂತೆ. ಈ ಹಿನ್ನೆಲೆಯಲ್ಲಿ ಕಾಲಾನಂತರದಲ್ಲಿ ಇವರ ಆರೋಗ್ಯ ಸುಧಾರಣೆ ಕಂಡಿದೆಯಂತೆ. ಇದೀಗ ಹರಕೆ ತೀರಿಸಲು ವೃದ್ಧ ದಂಪತಿ ಹೊರಟಿದ್ದಾರೆ. ಅದೂ ಕೂಡಾ ದೂರದ ಗುಜರಾತ್‌ನಿಂದ ಪಾದಯಾತ್ರೆಯ ಮೂಲಕವೇ ತಿರುಪತಿಗೆ ತೆರಳುತ್ತಿರುವ ಇವರು ಸದ್ಯ ರಾಯಚೂರು ತಲುಪಿದ್ದಾರೆ.

ಗುಜರಾತ್​ನ ತಮ್ಮ ಗ್ರಾಮದಿಂದ ಪಾದಯಾತ್ರೆ ಆರಂಭಿಸಿದ ಈ ದಂಪತಿ ನಿನ್ನೆ ರಾಯಚೂರಿ ತಲುಪಿದರು. ಈ ವೃದ್ಧ ದಂಪತಿಗೆ 75 ವರ್ಷ ವಯಸ್ಸಾಗಿದೆ. ಇಷ್ಟಿದ್ದರೂ ಪ್ರತಿನಿತ್ಯ 25ರಿಂದ 28 ಕಿಲೋ ಮೀಟರ್‌ವರೆಗೆ ಕಾಲ್ನಡಿಗೆ ಪಯಾಣ ಮಾಡುತ್ತಿದ್ದಾರೆ. ಈವರೆಗೆ 2,219 ಕಿ.ಮೀ.ವರೆಗೆ ಪಾದಯಾತ್ರೆ ಮುಗಿಸಿದ್ದಾರೆ.

ಇದನ್ನೂ ಓದಿ: ಕೇರಳ, ಮಹಾರಾಷ್ಟ್ರದಿಂದ ರಾಜ್ಯಕ್ಕೆ ಕೊರೊನಾ ಸಂಕಷ್ಟ; 3ನೇ ಅಲೆ ತಡೆಗೆ ಈಗಿನಿಂದಲೇ ಪ್ರಯತ್ನ; ಸಿಎಂ

ಕಳೆದ ಮೂರು ತಿಂಗಳಿನಿಂದ ನಡೆಸುತ್ತಿರುವ ಯಾತ್ರೆ ಇನ್ನೂ ಮೂರುವರೆ ತಿಂಗಳು ನಡೆಯಬಹುದು. ಯಾತ್ರೆ ಆರಂಭದಿಂದ ಮುಗಿಯುವರೆಗೆ ಏಳು ತಿಂಗಳು ಆಗಬಹುದು ಎಂದು ಪ್ರಮೋದ್​ ಹೇಳುತ್ತಾರೆ.