ರಾಯಚೂರು : ಪಿಎಸ್ಐ ಮಹಿಳಾ ನೇಮಕಾತಿ ಪಟ್ಟಿಯಲ್ಲಿ ದುರ್ಗಾಭವಾನಿ 29ನೇ ರ‍್ಯಾಂಕ್ ಪಡೆದುಕೊಂಡಿದ್ದಾರೆ. ಬಿಎಸ್ಸಿ ಅಗ್ರಿ ಕೃಷಿ ಪದವಿಧರೆ ದುರ್ಗಾಭವಾನಿ, ಸಿಂಧನೂರು ತಾಲೂಕಿನ ಶ್ರೀನಿವಾಸ ಕ್ಯಾಂಪ್ನ ರೈತ ರಾಮಕೃಷ್ಣ ಉಪಲಪಾಟಿ ಎಂಬುವರ ಪುತ್ರಿ.
1ರಿಂದ 10ನೇ ತರಗತಿಯವರೆಗೆ ಸಿಂಧನೂರಿನ ವಿಕಾಸ ಭಾರತಿ ಶಿಕ್ಷಣ ಸಂಸ್ಥೆಯಲ್ಲಿ ವಿದ್ಯಾಬ್ಯಾಸ ಮುಗಿಸಿ, ಪಿಯುಸಿ ವ್ಯಾಸಂಗವನ್ನು ಡಾ ಫಡಿಲ್ಸ್ ಕಾಲೇಜಿನಲ್ಲಿ ಮುಗಿಸಿದ್ದಾರೆ.
ಧಾರವಾಡ ವಿವಿಯಲ್ಲಿ ಬಿಎಸ್ಸಿ ಅಗ್ರಿ ಪದವಿ ಪಡೆದು ಪಿಎಸ್ಐಗೆ ತಯಾರಿ ನಡೆಸಿದ್ದರು. ಮೊದಲನಿಂದ ಪೊಲೀಸ್ ಇಲಾಖೆಯಲ್ಲಿ ಕೆಲಸ ಮಾಡುವ ಅಭಿಲಾಷೆ ಹೊಂದಿದ್ದ ದುರ್ಗಾಭವಾನಿ, ಯಾವುದೇ ಕೋಚಿಂಗ್ ಕೂಡ ತೆಗೆದುಕೊಳ್ಳದೇ ಪರೀಕ್ಷೆಯಲ್ಲಿ ಉತ್ತಮ ಅಂಕ ಗಳಿಸಿದ್ದಾರೆ.
ಮಗಳು ಪಿಎಸ್ಐ ಪರೀಕ್ಷೆಯಲ್ಲಿ ಉತ್ತಮ ಅಂಕ ಪಡೆದಿರುವುದು ಸಂತಸ ತಂದಿದೆ ಎಂದು ತಂದೆ ರಾಮಕೃಷ್ಣ ಹರ್ಷ ವ್ಯಕ್ತಪಡಿಸಿದ್ದಾರೆ.
