ಮೈಸೂರು: ನಿವೇಶನ ಖಾತೆ ಬದಲಾವಣೆಗೆ ಹಣದ ಬೇಡಿಕೆ ಇಟ್ಟಿದ್ದ ಪಿಡಿಒ ಹಾಗೂ ಎಸ್ಡಿಎ ಇಬ್ಬರು ಎಸಿಬಿ ಬಲೆಗೆ ಬಿದ್ದಿದ್ದಾರೆ. ಹೆಚ್‌.ಡಿ.ಕೋಟೆ ತಾಲೂಕಿನ ಮಾದಾಪುರ ಗ್ರಾ.ಪಂ ಪಿಡಿಒ ಲೋಕೇಶ್ ಮತ್ತು ಎಸ್ಡಿಎ ವೆಂಕಟೇಶ್ ಎಸಿಬಿ ಬಲೆಗೆ ಬಿದ್ದವರು.
ಮಾದಾಪುರ ಗ್ರಾಮದ ನಿವೇಶನವೊಂದರ ಖಾತೆ ಬದಲಾವಣೆಗೆ ಕೇಶರಾಮ್ ಅವರಿಗೆ ಪಿಡಿಒ ಹಾಗೂ ಎಸ್ಡಿಎ 30ಸಾವಿರ ರೂ ಲಂಚಕ್ಕೆ ಬೇಡಿಕೆ ಇಟ್ಟಿದ್ದರು. 10ಸಾವಿರ ಮುಂಗಡವಾಗಿ ಪಡೆದಿದ್ದ ಪಿಡಿಒ, ಇನ್ನುಳಿದ 20 ಸಾವಿರ ಹಣ ನೀಡುವಂತೆ ನಿವೇಶನ ಮಾಲೀಕರಿಗೆ ಒತ್ತಡ ಹಾಕಿದ್ದ, ಈ ಸಂಬಂಧ ನಿವೇಶನ ಮಾಲೀಕ ಎಸಿಬಿಗೆ ದೂರು ನೀಡಿದರು.
ದೂರು ಸ್ವೀಕರಿಸಿದ ಅಧಿಕಾರಿಗಳು, ಹಣ ನೀಡುವ ವೇಳೆ ದಾಳಿ ಮಾಡಿ ಪಿಡಿಒ ಹಾಗೂ ಎಸ್ಡಿಎ ರೆಡ್ ಹ್ಯಾಂಡ್ ಆಗಿ ಹಿಡಿದಿದ್ದಾರೆ. ಮೈಸೂರು ಎಸಿಬಿ ಪೊಲೀಸ್ ಠಾಣೆಯ ಉಪಾಧೀಕ್ಷರಾದ ಪರಶುರಾಮಪ್ಪನವರ ನೇತೃತ್ವದಲ್ಲಿ ದಾಳಿ ಮಾಡಲಾಯಿತು.
