ಮಳೆಯಿಂದ ಕುಸಿದ ಬಿದ್ದ ಮನೆ: ಕಂಗಾಲಾದ ಆದಿವಾಸಿ ಮಹಿಳೆ

ಧಾರಾಕಾರ ಮಳೆಗೆ ಮನೆ ಕುಸಿದು ಬಿದ್ದಿರುವ ಘಟನೆ ಹೆಗ್ಗಡದೇವನಕೋಟೆ ತಾಲೂಕಿನ ಕಿತ್ತೂರು ಗ್ರಾಮದಲ್ಲಿ ನಡೆದಿದೆ. ಆದಿವಾಸಿ ಮಹಿಳೆ ಸಾವಿತ್ರಮ್ಮ ಎಂಬುವವರಿಗೆ ಸೇರಿದ ಮನೆ ಇದಾಗಿದೆ.

ಮೈಸೂರು: ಧಾರಾಕಾರ ಮಳೆಗೆ ಮನೆ ಕುಸಿದು ಬಿದ್ದಿರುವ ಘಟನೆ ಹೆಗ್ಗಡದೇವನಕೋಟೆ ತಾಲೂಕಿನ ಕಿತ್ತೂರು ಗ್ರಾಮದಲ್ಲಿ ನಡೆದಿದೆ.

ಆದಿವಾಸಿ ಮಹಿಳೆ ಸಾವಿತ್ರಮ್ಮ ಎಂಬುವವರಿಗೆ ಸೇರಿದ ಮನೆಯಾಗಿದ್ದು, ಮನೆ ಬಿದ್ದಿರುವುದಕ್ಕೆ ಅವರು ಕಂಗಾಲಾಗಿದ್ದಾರೆ. ಅಲ್ಲದೇ ಸಾವಿತ್ರಮ್ಮ ಅವರ ಮೈ ಮೇಲೆ ಗೋಡೆ ಬಿದ್ದು ಬಲಗೈ ಪೆಟ್ಟಾಗಿದೆ. ಮೂರ್ಛೆ ಬಿದ್ದ ಈ ಮಹಿಳೆಯನ್ನು ಅಕ್ಕಪಕ್ಕದವರು ಉಪಾಚಾರ ಮಾಡಿ ಸಮಾಧಾನಪಡಿಸಿದ್ದಾರೆ.

ಸಂಬಂಧಪಟ್ಟ ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳ ಗಮನಕ್ಕೆ ತಂದರೂ ಯಾವುದೇ ಪ್ರಯೋಜನವಾಗಿಲ್ಲ ಎಂದು ಸಾವಿತ್ರಮ್ಮ ತಮ್ಮ ಅಳಲು ತೋಡಿಕೊಂಡಿದ್ದಾರೆ.