ಮೈಸೂರು: ಆಧುನಿಕ ಮಾಲ್ಗಳಿಗೆ ದೇವರಾಜ ಮಾರುಕಟ್ಟೆ ಸ್ಪೂರ್ತಿಯಾಗಿದ್ದು, ಇಂತಹ ಮಾರುಕಟ್ಟೆಯನ್ನು ಉಳಿಸಿಕೊಳ್ಳಲು ಪ್ರಯತ್ನಿಸಬೇಕು ಎಂದು ರಾಜ ವಂಶಸ್ಥೆ ಪ್ರಮೋದಾದೇವಿ ಒಡೆಯರ್ ಹೇಳಿದ್ದಾರೆ.
ನಗರದ ಖಾಸಗಿ ಹೋಟೆಲ್ನಲ್ಲಿ ನಡೆದ ಕೆಪಿಎಲ್ ಮೈಸೂರು ಆವೃತ್ತಿಯ ಕಪ್ ಅನಾವರಣದ ನಂತರ ಮಾತನಾಡಿದ ಅವರು, ದೇವರಾಜ ಮಾರುಕಟ್ಟೆಯ ಬಗ್ಗೆ ಹಲವಾರು ಮಾತುಗಳು ಕೇಳಿಬರುತ್ತಿದೆ. ಇದೊಂದು ಪಾರಂಪರಿಕ ಕಟ್ಟಡವಾಗಿದ್ದು ಇದನ್ನು ಪಾರ್ಕಿಂಗ್ಗೋಸ್ಕರ ಶಿಥಿಲಗೊಂಡಿದೆ ಎಂದು ಒಡೆದು ಹಾಕುವುದು ಸರಿಯಲ್ಲ ಎಂಬುದು ನನ್ನ ವೈಯಕ್ತಿಕ ಅಭಿಪ್ರಾಯ. ಇದನ್ನು ದುರಸ್ತಿಗೊಳಿಸಿ ಪಾರ್ಕಿಂಗ್ ಅನ್ನು ಬೇರೆ ಕಡೆ ಸ್ಥಳಾಂತರಿಸಿದರೆ ಎಲ್ಲವೂ ಸರಿ ಹೋಗುತ್ತದೆ. ಈಗ ಇರುವ ಎಲ್ಲಾ ಮಾಲ್ಗಳಿಗೂ ಮೂಲ ವಿನ್ಯಾಸ ಎಂದರೆ ದೇವರಾಜ ಮಾರುಕಟ್ಟೆ ಎಂದರು.
ಪ್ರಮೋದಾದೇವಿ ಒಡೆಯರ್
