ಮಂಡ್ಯ: ಕುಡುಕರಿಗೆ ಸಿಗದ ಮದ್ಯ ಸಕ್ಕರೆ ನಗರದಲ್ಲಿ ಇಲಿ ಹೆಗ್ಗಣಗಳಿಗೆ ಸಿಕ್ಕಿವೆ. ಬಾರ್ ಬಂದ್ ಮಾಡಿದ್ದೇ ಇಲಿ ಹೆಗ್ಗಣಗಳಿಗೆ ಮದ್ಯದ ಅಭಿಷೇಕವಾಗಿದ್ದು, ಸುಮಾರು ಪೌಚ್ಗಳಲ್ಲಿದ್ದ ಮದ್ಯವನ್ನು ಇಲಿಗಳು ಹಾಳು ಮಾಡಿವೆ.
ಹೌದು, ನಗರದ ಜೀವನ್ ಬಾರ್ ಅಂಡ್ ರೆಸ್ಟೋರೆಂಟ್‌ ಸ್ಟಾಕ್ ಚೆಕ್ ಮಾಡಲು ಹೋದ ಅಧಿಕಾರಿಗಳಿಗೆ ಅಚ್ಚರಿಯ ಘಟನೆ ಕಣ್ಣಿಗೆ ಬಿದ್ದಿವೆ. ಸಾಮಾನ್ಯ ಜನರು ಕುಡಿಯುವ ಮದ್ಯದ ಪೌಚ್‌ಗಳನ್ನು ಕತ್ತರಿಸಿ ಇಲಿ-ಹೆಗ್ಗಣಗಳು ಅದರಲ್ಲಿದ್ದ ಮದ್ಯವನ್ನು ಹೀರಿ ನಿಶೆಯಲ್ಲಿ ತೇಲಾಡಿವೆ.
ಜನರಿಗೆ ಸಿಗದ ಮದ್ಯ ಮೂಷಿಕಗಳ ಪಾಲು
ಬಾರ್ ಓಪನ್ ಮಾಡಿದ ಅಧಿಕಾರಿಗಳು ಇಲಿಗಳ ಪೌಚ್ ಕಡಿದಿರುವುದನ್ನು ನೋಡಿ ಅಚ್ಚರಿಗೊಂಡಿದ್ದಾರೆ. ಸುಮಾರು 25 ಪೌಚ್ ನ ಮದ್ಯವನ್ನು ಇಲಿಗಳು ಸೇವನೆ ಮಾಡಿವೆ.
