ಗಂಗಾವತಿ: ನೀವು ಮೊದಲು ಎಲ್ಲಿದ್ರಿ, ಯಾರಿಂದ ಬೆಳೆದ್ರಿ ಎಂಬುದನ್ನು ದೇವರ ಸಾಕ್ಷಿಯಾಗಿ ಕುಳಿತು ವಿಚಾರ ಮಾಡಿ ಎಂದು ಮಾಜಿ ಸಚಿವ ಶಿವರಾಜ ತಂಗಡಗಿ ವಿರುದ್ಧ ಬಿಜೆಪಿ ಶಾಸಕ ಪರಣ್ಣ ಮುನವಳ್ಳಿ ವಗ್ದಾಳಿ ನಡೆಸಿದ್ದಾರೆ.
ಇತ್ತೀಚೆಗೆ ಬಿಜೆಪಿ ಬಗ್ಗೆ ಸಾಕಷ್ಟು ಆರೋಪ ಮಾಡುತ್ತಿರುವ ಮಾಜಿ ಸಚಿವ ಶಿವರಾಜ ತಂಗಡಗಿ ಟೀಕೆಗಳಿಗೆ ಭಾನುವಾರ ಪಕ್ಷದ ಕಚೇರಿಯಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಶಾಸಕ ಮುನವಳ್ಳಿ, ಸೀರೆ ಕಳುಸುತ್ತೇನೆ, ಬಳೆ ನೀಡುತ್ತೇನೆ ಎಂದು ಹೇಳುತ್ತಿರುವುದು ತಂಗಡಗಿಯ ಸಂಸ್ಕೃತಿ. ಬಿಜೆಪಿ ಪಕ್ಷದ ಬಗ್ಗೆ ಮತ್ತು ಮುಖಂಡರ ಬಗ್ಗೆ ಲಘುವಾಗಿ ಮಾತನಾಡುವ ಮಾಜಿ ಸಚಿವ ಶಿವರಾಜ ತಂಗಡಗಿ ಅವರು ಬಿಜೆಪಿ ಭಿಕ್ಷೆ ನೀಡಿದ್ದಕ್ಕೆ ರಾಜಕೀಯವಾಗಿ ಏಳಿಗೆಯಾಗಲು ಸಾಧ್ಯವಾಯ್ತು ಎಂದು ಬಿಜೆಪಿ ಶಾಸಕ ಪರಣ್ಣ ಮುನವಳ್ಳಿ ಹೇಳಿದರು.
ಮಾಜಿ ಸಚಿವ ಶಿವರಾಜ ತಂಗಡಗಿ ವಿರುದ್ಧ ಶಾಸಕ ಪರಣ್ಣ ಮುನವಳ್ಳಿ ವಾಗ್ದಾಳಿ
ನಾವು ಸಹಕಾರ ನೀಡದಿದ್ದರೆ ಬಿಜೆಪಿಯಲ್ಲಿ ಸಚಿವನಾಗುತ್ತಿರಲಿಲ್ಲ ಈ ಶಿವರಾಜ ತಂಗಡಗಿ. ಗತವನ್ನು ಮರೆಯುವುದು ಸರಿಯಲ್ಲ ಎಂದು ಗರಂ ಆಗಿ ಪ್ರತಿಕ್ರಿಯೆ ನೀಡಿದರು.
