ಗಂಗಾವತಿ ಸ್ಥಳೀಯ ಮಾರುಕಟ್ಟೆಯಲ್ಲಿ ಈರುಳ್ಳಿ ಬೆಲೆ ದಿಢೀರ್ ಕುಸಿತ: ರೈತರು ಕಂಗಾಲು

ಮಾರುಕಟ್ಟೆಯಲ್ಲಿ ಗಾತ್ರದ ಆಧಾರದ ಮೇಲೆ ಧಾರಣೆ ಲಭಿಸುತ್ತಿದೆ. ದೊಡ್ಡಗಾತ್ರಕ್ಕೆ 26 ರಿಂದ 28, ಮಧ್ಯಮ ಗಾತ್ರದ ಈರುಳ್ಳಿಗೆ 24 ಹಾಗೂ ಸಣ್ಣ ಸೈಜಿನ ಇರುಳ್ಳಿಗೆ ಕಿಲೋಗೆ 20 ರಿಂದ 22 ರೂಪಾಯಿ ದರವಿದೆ.

ಗಂಗಾವತಿ : ಗಗನಕ್ಕೇರಿದ್ದ ಈರುಳ್ಳಿ ಬೆಲೆಯಲ್ಲಿ ಗಣನೀಯ ಇಳಿಕೆ ಕಂಡಿದ್ದು, ಸ್ಥಳೀಯವಾಗಿ ರೈತರು ಬೆಳೆದ ಈರುಳ್ಳಿ ಮಾರುಕಟ್ಟೆ ಪ್ರವೇಶಿಸಿದ್ದರಿಂದ ಧಾರಣೆಯಲ್ಲಿ ಈ ಬೆಳವಣಿಗೆಯಾಗಿದೆ.

ಸ್ಥಳೀಯವಾಗಿ ಬೆಳೆದಿದ್ದ ಈರುಳ್ಳಿ ಕಳೆದ ಎರಡು ವಾರದಿಂದ ಮಾರುಕಟ್ಟೆಗೆ ಬಂದಿರಲಿಲ್ಲ. ಹೀಗಾಗಿ ವರ್ತಕರು ಮಹಾರಾಷ್ಟ್ರ, ಪೂನಾ, ಬೆಳಗಾವಿಯಿಂದ ಈರುಳ್ಳಿಯನ್ನು ಆಮದು ಮಾಡಿಕೊಳ್ಳುತ್ತಿದ್ದರು. ಇದರಿಂದಾಗಿ ಸ್ಥಳೀಯ ಮಾರುಕಟ್ಟೆಯಲ್ಲಿ ಧಾರಣೆ ಹೆಚ್ಚಳವಾಗಿತ್ತು.

ಈಗ ಹುಲಿಹೈದರ, ನವಲಿ, ತಾವರಗೇರಾ, ಕುಷ್ಟಗಿ, ಯಲಬುರ್ಗಾ, ರೋಣದಂತ ಸ್ಥಳೀಯ ಭಾಗದಿಂದ ಈರುಳ್ಳಿ ಪೂರೈಕೆಯಾಗುತ್ತಿದೆ. ಹೀಗಾಗಿ ಬೆಲೆಯೂ ಕಡಿಮೆಯಾಗಿದೆ ಎಂದು ಈರುಳ್ಳಿ ವರ್ತಕ ಹುಸೇನ್ ಸಂಪಂಗಿಸಾಬ್​ ಮಾತು.

ಸದ್ಯ ಸ್ಥಳೀಯ ಮಾರುಕಟ್ಟೆಯಲ್ಲಿ ಗಾತ್ರದ ಆಧಾರದ ಮೇಲೆ ಧಾರಣೆ ಲಭಿಸುತ್ತಿದೆ. ದೊಡ್ಡಗಾತ್ರಕ್ಕೆ 26 ರಿಂದ 28, ಮಧ್ಯಮ ಗಾತ್ರದ ಈರುಳ್ಳಿಗೆ 24 ಹಾಗೂ ಸಣ್ಣ ಸೈಜಿನ ಇರುಳ್ಳಿಗೆ ಕಿಲೋಗೆ 20 ರಿಂದ 22 ರೂಪಾಯಿಗೆ ಬೆಲೆ ನೀಡಲಾಗುತ್ತಿದೆ.