ಸಾವಿಗೂ ಮುನ್ನ ಬಿಜೆಪಿ ಮುಖಂಡ ಹಾಡಿದ್ದ ‘ಒಳಿತು ಮಾಡು ಮನುಸಾ’ ಹಾಡಿನ ವಿಡಿಯೋ ವೈರಲ್​​

ದೇವಪ್ಪ ಕಳೆದ ಕೆಲ ತಿಂಗಳ ಹಿಂದಷ್ಟೇ ಕಾರ್ಯಕ್ರಮವೊಂದರಲ್ಲಿ ಒಳಿತು ಮಾಡು ಮನುಸಾ, ನೀನ್​​ ಇರೋದು ಮೂರು ದಿವಸ’ ಎಂಬ ಹಾಡನ್ನು ಹಾಡಿದ್ದಾರೆ. ಇದೀಗ ಇವರು ಹಾಡಿರುವ ಹಾಡಿನ ವಿಡಿಯೋ ಎಲ್ಲೆಡೆ ವೈರಲ್ ಆಗುತ್ತಿದೆ.

ಗಂಗಾವತಿ (ಕೊಪ್ಪಳ): ಸಾವು ಯಾರಿಗೆ ಹೇಗೆ, ಯಾವಾಗ ಬರುತ್ತದೆಯೋ ಯಾರಿಗೂ ಗೊತ್ತಿರೋದಿಲ್ಲ. ಇದಕ್ಕೆ ಸಾಕ್ಷಿಯಾಗಿದ್ದು ಮಾತ್ರ ಗಂಗಾವತಿ ಬಿಜೆಪಿ ಮುಖಂಡ.

ಕೊರೊನಾ ತಗುಲಿ ಅಗಲಿದ ಬಿಜೆಪಿ ಮುಖಂಡ ಕಾಮದೊಡ್ಡಿ ದೇವಪ್ಪರ ಸಾವು ಅವರ ಕುಟುಂಬಸ್ಥರು ಹಾಗೂ ಅಭಿಮಾನಿಗಳಿಗೆ ಅರಗಿಸಿಕೊಳ್ಳಲಾಗುತ್ತಿಲ್ಲ.

ಇದರ ನಡುವೆಯೇ ದೇವಪ್ಪ ಕಳೆದ ಕೆಲ ತಿಂಗಳ ಹಿಂದಷ್ಟೇ ಕಾರ್ಯಕ್ರಮವೊಂದರಲ್ಲಿ ಹಾಡಿದ್ದ ‘ಒಳಿತು ಮಾಡು ಮನುಸಾ, ನೀನ್​​ ಇರೋದು ಮೂರು ದಿವಸ’ ಎಂಬ ಹಾಡು ಈಗ ವೈರಲ್ ಆಗುತ್ತಿದೆ.

ಅವರು ಮೃತಪಟ್ಟ ಬಳಿಕ ಈ ಹಾಡಿನ ವಿಡಿಯೋ ಎಲ್ಲೆಡೆ ವೈರಲ್​​​ ಆಗುತ್ತಿದೆ. ಕಾಮದೊಡ್ಡಿ ದೇವಪ್ಪ ನಡುರಾತ್ರಿಯಲ್ಲಿ ಯಾರಾದರೂ ಸಹಾಯ ಕೇಳಿದರೂ ಎದ್ದು ಹೋಗಿ ನೆರವಾಗುತ್ತಿದ್ದರು ಎಂದು ಅವರ ಅಭಿಮಾನಿಗಳು ಹೇಳಿಕೊಂಡಿದ್ದಾರೆ.

ಸ್ವತಃ ಅವರೇ ಹಾಡಿರುವ ಈ ಹಾಡೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.