ಕೋಲಾರ : ಕರ್ನಾಟಕದಲ್ಲಿ ಮಾರ್ಗದರ್ಶಿ ಚಿಟ್ಸ್ನ 22ನೇ ಶಾಖೆ ಉದ್ಘಾಟನೆಗೊಂಡಿದೆ. ಸಂಸ್ಥೆಯ ಒಟ್ಟಾರೆ 109 ನೇ ಶಾಖೆ ಇದಾಗಿದೆ. ಕಂಪನಿ ಎಂಡಿ ಶೈಲಜಾ ಕಿರಣ್ ಅವರು ಈ ಶಾಖೆಯನ್ನು ವರ್ಚುಯಲ್ ಆಗಿ ಉದ್ಘಾಟಿಸಿದರು. ಕಾರ್ಯಕ್ರಮದಲ್ಲಿ ಶಾಖೆಯ ಅಧಿಕಾರಿಗಳು, ಸಿಬ್ಬಂದಿ ಹಾಗೂ ಚಂದಾದಾರರು ಭಾಗವಹಿಸಿದ್ದರು.
ನೂತನ ಶಾಖೆ ಉದ್ಘಾಟನೆ ಬಳಿಕ ಮಾತನಾಡಿದ ಮಾರ್ಗದರ್ಶಿ ಚಿಟ್ಸ್ ನಿರ್ದೇಶಕರಾದ ಪಿ ಲಕ್ಷ್ಮಣ್ರಾವ್, ಕೋಲಾರ ಜನತೆಯ ಸಹಕಾರ ಅಮೂಲ್ಯವಾದದ್ದು ಎಂದು ಹೇಳಿದರು. ಜನತೆ ಮಾರ್ಗದರ್ಶಿ ಚಿಟ್ಸ್ ಕಂಪನಿಯಿಂದ ಸೌಲಭ್ಯಗಳನ್ನು ಪಡೆಯಬಹುದು. ಇಂದಿನವರೆಗೆ ಕೋಲಾರ ಶಾಖೆಯಲ್ಲಿ 19 ಕೋಟಿ ವಹಿವಾಟು ನಡೆಸಲಾಗಿದ್ದು, ಮಾಸಾಂತ್ಯಕ್ಕೆ 26 ಕೋಟಿ ರೂಗಳ ಗುರಿ ಹೊಂದಲಾಗಿದೆ ಎಂದು ತಿಳಿಸಿದರು. ಕೋಲಾರ ಜಿಲ್ಲೆಯ ಸಾರ್ವಜನಿಕರ ಅಗತ್ಯತೆಗಳಿಗೆ ಅನುಸಾರವಾಗಿ ಸಂಸ್ಥೆಯು ತನ್ನ ಚೀಟಿ ಸೇವೆಗಳನ್ನು ನೀಡಲು ಸದಾ ಬದ್ಧವಾಗಿದೆ ಎಂದರು. ಕೋಲಾರ ಶಾಖೆಯಲ್ಲಿ 1 ಲಕ್ಷದಿಂದ 30 ಲಕ್ಷ ಮೊತ್ತದ ವರೆಗಿನ ಚೀಟಿ ಗುಂಪುಗಳನ್ನು ಪ್ರಾರಂಭಿಸಲಾಗಿದೆ. ಚೀಟಿ ಗುಂಪುಗಳು ಕ್ರಮವಾಗಿ 25, 30, 40 ಮತ್ತು 50 ತಿಂಗಳುಗಳ ಅವಧಿಯದ್ದಾಗಿವೆ.
ಚಂದಾದಾರರು ತಿಂಗಳಿಗೆ 2 ಸಾವಿರದಿಂದ 1 ಲಕ್ಷ ರೂವರೆಗೂ ಪಾವತಿ ಮಾಡಬಹುದಾಗಿದೆ. ಶೀಘ್ರದಲ್ಲೇ ನೂತನ ಚೀಟಿ ಗುಂಪುಗಳನ್ನು ಪ್ರಾರಂಭಿಸುವುದಾಗಿ ಅವರು ಹೇಳಿದರು. ಮುಂಬರುವ ಅಕ್ಟೋಬರ್ ತಿಂಗಳಲ್ಲಿ ಹಾವೇರಿಯಲ್ಲಿ ನೂತನ ಶಾಖೆ ಪ್ರಾರಂಭಿಸುವುದಾಗಿ ಹೇಳಿದರು. ಶೀಘ್ರದಲ್ಲೇ ಬೆಂಗಳೂರಿನಲ್ಲಿ ಮತ್ತೆರಡು ನೂತನ ಶಾಖೆಗಳನ್ನು ತೆರೆಯಲು ಯೋಚಿಸಲಾಗಿದೆ ಎಂದು ನಿರ್ದೇಶಕರು ತಿಳಿಸಿದ್ದಾರೆ. ಕರ್ನಾಟಕದಲ್ಲಿ ಮುಂಬರುವ ದಿನಗಳಲ್ಲಿ ಸೇವೆಯ ವಿಸ್ತರಣೆಗೆ ಮುಂದಾಗುವುದಾಗಿ ಅವರು ತಿಳಿಸಿದ್ದಾರೆ.
ಉದ್ಘಾಟನೆ ಬಳಿಕ ಮಾತನಾಡಿದ ಚಂದಾದಾರರು, ಇಲ್ಲಿ ಹೂಡಿಕೆ ಮಾಡುವುದರಿಂದ ಸಾಕಷ್ಟು ಪ್ರಯೋಜನಗಳಿವೆ ಎಂದು ಸಂತಸ ವ್ಯಕ್ತಪಡಿಸಿದರು. ಅಗತ್ಯತೆಗಳಿಗೆ ಅನುಸಾರವಾಗಿ ಇಲ್ಲಿ ಸುಲಭವಾಗಿ ಹಣ ದೊರಕುತ್ತದೆ. ಶ್ಯೂರಿಟಿ ಎಲ್ಲ ಕಡೆಯೂ ಬೇಕಾಗುತ್ತದೆ. ಹಾಗೆಯೇ ಇಲ್ಲಿ ಶ್ಯೂರಿಟಿಯ ಖಾತರಿಯಿಂದಾಗಿ ನಮ್ಮ ಹಣಕ್ಕೆ ಸುರಕ್ಷತೆ ಇದೆ. ಸಂಸ್ಥೆಯೊಂದಿಗೆ ವ್ಯವಹರಿಸುತ್ತಿರುವುದರಿಂದ ನಾವು ಕೂಡಾ ಬೆಳೆಯುತ್ತಿದ್ದೇವೆ ಎಂದು ಚಂದಾದಾರರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು.
ಶ್ಯೂರಿಟಿ ಇಲ್ಲದೇ ಬೇರೆ ಕಡೆ ಹೂಡಿಕೆ ಮಾಡಿದ್ದಾಗ, ತಮಗೆ ನಷ್ಟ ಉಂಟಾಗಿತ್ತು. ಆದರೆ ಈ ಸಂಸ್ಥೆಯಲ್ಲಿ ನಾವು ಹೂಡಿಕೆ ಮಾಡಿದ್ದಕ್ಕೆ ಹಣಕ್ಕೆ ಖಾತರಿ ಸಿಕ್ಕಿದೆ. ಯಾವುದೇ ತೊಂದರೆ ಇಲ್ಲದೇ ನಮಗೆ ಬೇಕೆಂದಾಗ ಹಣ ದೊರಕುತ್ತದೆ ಎಂಬುದು ಮತ್ತೊಬ್ಬ ಚಂದಾದಾರರ ಮಾತಾಗಿತ್ತು.
ಓದಿ: ಮಾರ್ಗದರ್ಶಿ ಚಿಟ್ ಫಂಡ್ ಸಂಸ್ಥೆಗೆ 60 ವರ್ಷ.. ಸಂತಸ ಹಂಚಿಕೊಂಡ ಕರ್ನಾಟಕದ ಗ್ರಾಹಕರು
