ಮಡಿಕೆರಿ(ಕೊಡಗು): ಆಸ್ಪತ್ರೆ ಒಳಗೆ ಆರು ಬ್ಯಾಗ್ಅನ್ನು ಕದ್ದು, ಪಾರ್ಕಿಂಗ್ನಲ್ಲಿದ್ದ ಆ್ಯಕ್ಟಿವಾ ಹೋಂಡಾವನ್ನು ಕದ್ದೊಯ್ದಿರುವ ಘಟನೆ ಕೊಡಗಿನ ಜಿಲ್ಲಾಸ್ಪತ್ರೆಯಲ್ಲಿ ನಡೆದಿದೆ. ಕಳ್ಳತನ ಮಾಡಿರುವ ವಿಡಿಯೋ ಆಸ್ಪತ್ರೆಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಮಡಿಕೇರಿ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಶ್ವಾನದಳದ ಮೂಲಕ ಪರಿಶೀಲನೆ ನಡೆಸಿದ್ದಾರೆ. ಕಳ್ಳನ ಗುರುತು ಪತ್ತೆಯಾಗಿಲ್ಲ. ಆದರೆ ಕಳ್ಳತನವಾಗಿದ್ದ ಬ್ಯಾಗ್ಗಳು ದೊರಕಿದ್ದು, ಅದರಲ್ಲಿದ್ದ ಹಣ ಮತ್ತು ವಸ್ತುಗಳು ಕಾಣೆಯಾಗಿವೆ.
ಭಾನುವಾರ ಸಂಜೆ 7 ಗಂಟೆ ಸುಮಾರಿಗೆ ಆಸ್ಪತ್ರೆಯ ಸಿಬ್ಬಂದಿಯ ರೀತಿಯಲ್ಲಿ ಎಂಟ್ರಿ ಕೊಟ್ಟ ಖದೀಮ ಸುಮಾರು 1 ಗಂಟೆ ಕಾಲ ವೈದ್ಯರು ಇಟ್ಟ ಬ್ಯಾಗ್ಗಳ ಕೊಠಡಿಯ ಸುತ್ತಮುತ್ತ ಓಡಾಡಿದ್ದಾನೆ. ನಂತರ ಯಾರು ಇಲ್ಲದ ಸಮಯ ನೋಡಿಕೊಂಡು ಕೊಠಡಿಯಲ್ಲಿದ್ದ ಬ್ಯಾಗ್ಗಳನ್ನು ಕದ್ದು, ಅದರಲ್ಲಿದ್ದ ಎಟಿಎಂ ಹಾಗೂ ಗಾಡಿಗಳ ಕೀ ಎಗರಿಸಿದ್ದಾನೆ. ನಂತರ ಅಲ್ಲಿ ಸಿಕ್ಕ ಕೀ ಬಳಸಿ ಆಸ್ಪತ್ರೆ ಬಂದಿದ್ದ ರೋಗಿಯ ಬೈಕ್ ಜೊತೆ ಪರಾರಿಯಾಗಿದ್ದಾನೆ.
ಘಟನಾ ಸ್ಥಳಕ್ಕೆ ಮಡಿಕೇರಿ ನಗರ ಪೊಲೀಸ್ ಇನ್ಸ್ಪೆಕ್ಟರ್ ಶೀನಿವಾಸ್ ಹಾಗೂ ಶ್ವಾನದಳ, ಬೆರಳಚ್ಚು ತಜ್ಞರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಪ್ರಕರಣ ಸಂಬಂಧ ಮಡಿಕೇರಿ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಪೊಲೀಸರು ಮುಂದಿನ ಕ್ರಮ ಕೈಗೊಂಡಿದ್ದಾರೆ.
ಇದನ್ನೂ ಓದಿ :ರ್‍ಯಾಗಿಂಗ್‌ನಿಂದ ಪಾರಾಗಲು ಕಟ್ಟಡದಿಂದ ಜಿಗಿದ ವಿದ್ಯಾರ್ಥಿ: ಸ್ಥಿತಿ ಗಂಭೀರ
