ಒಂದೇ ಬಾರಿ ಐದು ಶಾಲಾ ಮಕ್ಕಳು ದಿಢೀರ್ ನಾಪತ್ತೆ!

ಒಂದೇ ಬಾರಿ ಐದು ಶಾಲಾ ಮಕ್ಕಳು ದಿಢೀರ್ ನಾಪತ್ತೆಯಾಗಿರುವ ಘಟನೆ ಜಿಲ್ಲೆಯ ಸೇಡಂ ತಾಲೂಕಿನ ಮುಧೋಳ ವಸತಿ ಶಾಲೆಯಲ್ಲಿ ನಡೆದಿದೆ.

ಕಲಬುರಗಿ: ಒಂದೇ ಬಾರಿ ಐದು ಶಾಲಾ ಮಕ್ಕಳು ದಿಢೀರ್ ನಾಪತ್ತೆಯಾಗಿರುವ ಘಟನೆ ಜಿಲ್ಲೆಯ ಸೇಡಂ ತಾಲೂಕಿನ ಮುಧೋಳ ವಸತಿ ಶಾಲೆಯಲ್ಲಿ ನಡೆದಿದೆ ಎಂದು ವರದಿಯಾಗಿದೆ.

ಕೊತ್ತಪಲ್ಲಿ ಗ್ರಾಮದ ಅಂಕುಶ ಜಾಧವ್​(14), ಜಿತೇಲಾ ರಾಥೋಡ್​ (14), ಜೀತು ರಾಥೋಡ್​ (16), ಅರ್ಜುನ್ ರಾಥೋಡ್​ (14) ಹಾಗೂ ರವೀಂದ್ರ ರಾಥೋಡ್​ (14) ನಾಪತ್ತೆಯಾಗಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಮುಧೋಳ ಪಿಐ ತಮ್ಮಾರಾಯ ಪಾಟೀಲ್, ತನಿಖೆ ಚುರುಕುಗೊಳಿಸಿದ್ದಾರೆ. ಪ್ರಾಥಮಿಕ ತನಿಖೆಯಲ್ಲಿ ಮಕ್ಕಳು ಶಾಲೆ ಬಿಟ್ಟು ಬೆಂಗಳೂರು ಮುಂಬೈನತ್ತ ಹೋಗುವ ಆಲೋಚನೆಯಲ್ಲಿದ್ದರು ಎನ್ನಲಾಗಿದೆ.

ಮಕ್ಕಳ ಬಗ್ಗೆ ಯಾರಿಗಾದರೂ ಮಾಹಿತಿ ದೊರೆತರೆ 9480803594 ಸಂಖ್ಯೆಗೆ ಸಂಪರ್ಕಿಸಲು ಪೊಲೀಸರು ಮನವಿ ಮಾಡಿದ್ದಾರೆ.