ಅತೀ ಹೆಚ್ಚಿನ ಬೆಲೆಗೆ ಮಾರಾಟವಾದ ಮೆಣಸಿನಕಾಯಿ... ಅನ್ನದಾತ ಬೆಳೆದ ಬೆಳೆಗೆ ಬೆಲೆ ಎಷ್ಟು ಗೊತ್ತಾ?

ಗದಗ ತಾಲೂಕಿನ ಕುರ್ತಕೋಟಿ ಗ್ರಾಮದ ರೈತನೋರ್ವ ಬೆಳೆದಿರುವ ಮೆಣಸಿನಕಾಯಿ ಬ್ಯಾಡಗಿ ಮೆಣಸಿನಕಾಯಿ ಮಾರುಕಟ್ಟೆಯಲ್ಲಿ ಕ್ವಿಂಟಲ್​​ಗೆ ಬರೋಬ್ಬರಿ 33,333 ಸಾವಿರ ರೂಪಾಯಿ ದಾಖಲೆಯ ಹಣದಲ್ಲಿ ಮಾರಾಟವಾಗಿದೆ.

ಹಾವೇರಿ : ಮೆಣಸಿನಕಾಯಿ ಮಾರುಕಟ್ಟೆಗೆ ವಿಶ್ವ ಪ್ರಸಿದ್ಧಿಯಾಗಿರುವ ಜಿಲ್ಲೆಯ ಬ್ಯಾಡಗಿ ಮೆಣಸಿನಕಾಯಿ ಮಾರುಕಟ್ಟೆ ಮತ್ತೊಂದು ದಾಖಲೆಗೆ ಸಾಕ್ಷಿಯಾಗಿದೆ.

ಗದಗ ತಾಲೂಕಿನ ಕುರ್ತಕೋಟಿ ಗ್ರಾಮದ ಮಂಜುನಾಥ ಗಾಡ ರೆಡ್ಡಿ ಎಂಬ ರೈತ ಬೆಳೆದಿರುವ ಮೆಣಸಿನಕಾಯಿ ಕ್ವಿಂಟಲ್​​ಗೆ 33,333 ರೂಪಾಯಿ ದಾಖಲೆಯ ಮಾರಾಟವಾಗಿದೆ. ಇವರು ಇಂದು ಮಾರುಕಟ್ಟೆಗೆ ಮೂರು ಕ್ವಿಂಟಲ್ ಮೆಣಸಿನಕಾಯಿ ತಂದಿದ್ದರು. ಈ ಮೆಣಸಿನಕಾಯಿಗೆ ಖರೀದಿದಾರರು 33,333 ರೂಪಾಯಿ ಬೆಲೆ ನಿಗಧಿ ಮಾಡುವ ಮೂಲಕ ಹೊಸ ದಾಖಲೆ ಬರೆದಿದ್ದಾರೆ.

ಮಾರುಕಟ್ಟೆಯಲ್ಲಿ ಅತ್ಯಧಿಕ ಬೆಲೆಗೆ ಮಾರಾಟವಾದ ಮೆಣಸಿನಕಾಯಿ ಎಂಬ ಖ್ಯಾತಿ ಮಂಜುನಾಥ್ ಗಾಡರೆಡ್ಡಿಯ ರೈತನದ್ದಾಯಿತು. ತಾನು ಬೆಳೆದಮೆಣಸಿನಕಾಯಿಗೆ ವಿಶೇಷ ಬೆಲೆ ಸಿಕ್ಕಿದ್ದಕ್ಕೆ ರೈತ ಸಂತಸ ವ್ಯಕ್ತಪಡಿಸಿದ್ದಾರೆ.