ಕಿಟ್​ ವಿತರಣೆಯಲ್ಲಿ ವಿಳಂಬ: ಹಾನಗಲ್​ನಲ್ಲಿ ಮಹಿಳೆಯರಿಂದ ಪ್ರತಿಭಟನೆ

ಕಾರ್ಮಿಕರಿಗೆ ದಿನಸಿ ಕಿಟ್ ವಿತರಿಸುವಲ್ಲಿ ವಿಳಂಬ ಖಂಡಿಸಿ ಹಾವೇರಿ ಜಿಲ್ಲೆ ಹಾನಗಲ್​ ತಾಲೂಕಿನಲ್ಲಿ ಪ್ರತಿಭಟನೆ ನಡೆಸಲಾಯಿತು.

ಹಾನಗಲ್: ಕಾರ್ಮಿಕರಿಗೆ ದಿನಸಿ ಕಿಟ್ ವಿತರಿಸುವಲ್ಲಿ ವಿಳಂಬ ಖಂಡಿಸಿ ಪುರಸಭೆಯ 5ನೇ ವಾರ್ಡಿನ 100ಕ್ಕೂ ಹೆಚ್ಚಿನ ಮಹಿಳೆಯರು ತಹಶೀಲ್ದಾರ್​ಗೆ ಮನವಿ ಸಲ್ಲಿಸಿದರು.

ತಹಶೀಲ್ದಾರ್​ ಕಚೇರಿಗೆ ಆಗಮಿಸಿದ ಮಹಿಳೆಯರು, ಕೂಡಲೇ ಕಿಟ್ ವಿತರಿಸಬೇಕು. ತಾಲೂಕಿಗೆ ಬಂದ ಕಾರ್ಮಿಕ ಕಿಟ್​ಗಳು ದುರುಪಯೋಗವಾಗಿವೆ. ಅಕ್ರಮವಾಗಿ ಸಂಗ್ರಹಿಸಿಟ್ಟ ತಪ್ಪಿಸ್ಥರ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದರು.