ಹಾವೇರಿ : ಹಾವೇರಿ ತಾಲೂಕಿನ ಗಣಜೂರು ವಿಶಿಷ್ಟ ಜನ್ಮದಿನಾಚರಣೆಗೆ ಸಾಕ್ಷಿಯಾಯಿತು. ಗಣಜೂರು ಗ್ರಾಮದ ಶತಾಯುಷಿ ನೀಲಮ್ಮ ಎಂಬ ಅಜ್ಜಿಯ 105ನೇ ವರ್ಷದ ಜನ್ಮದಿನಾಚರಣೆಯನ್ನು ಕುಟುಂಬಸ್ಥರೆಲ್ಲ ಸೇರಿ ಅದ್ದೂರಿಯಾಗಿ ಆಚರಿಸಿದ್ದಾರೆ.
ಅಜ್ಜಿಗೆ ಮಕ್ಕಳು ಮೊಮ್ಮಕ್ಕಳು ಸೇರಿದಂತೆ 138 ಸದಸ್ಯರ ಕುಟುಂಬವಿದೆ. ಕುಟುಂಬದ ಸದಸ್ಯರೆಲ್ಲಾ ಅಜ್ಜಿಯ ಜನ್ಮದಿನಾಚರಣೆಯಲ್ಲಿ ಪಾಲ್ಗೊಂಡು ಸಂಭ್ರಮಿಸಿದ್ದಾರೆ. ಇಳಿವಯಸ್ಸಿನಲ್ಲಿ ನೀಲಮ್ಮ ಮೊಂಬತ್ತಿ ಹಚ್ಚಿ ಕೇಕ್ ಕಟ್ ಮಾಡುವ ಮೂಲಕ ಹುಟ್ಟುಹಬ್ಬವನ್ನು ಸ್ಮರಣೀಯಗೊಳಿಸಿಕೊಂಡಿದ್ದಾರೆ.
ಈ ಅಪರೂಪದ ಜನ್ಮದಿನಾಚರಣೆಯಲ್ಲಿ ಅಜ್ಜಿಯ ಎಂಟು ಮಕ್ಕಳು, ಮೊಮ್ಮಕ್ಕಳು, ಮರಿಮೊಮ್ಮಕ್ಕಳು, ಗಿರಿಮೊಮ್ಮಕ್ಕಳು ಸೇರಿ 138 ಜನರು ಭಾಗವಹಿಸಿದ್ದರು. ಈ ಶತಾಯುಷಿ ಆಜ್ಜಿಗೆ ಹಾರೈಸಲು ದೂರ ದೂರದ ಗ್ರಾಮಗಳಿಂದ ಬಂಧುಗಳು ಬಂದಿದ್ದರು. ಅಜ್ಜಿಗೆ ಶುಭ ಹಾರೈಸಿ ಉಡುಗೂರೆ ನೀಡಿದರು.
ಅಜ್ಜಿ ನೀಲಮ್ಮ ಜನ್ಮದಿನಾಚರಣೆಯಲ್ಲಿ ಹಾವೇರಿ ಹುಕ್ಕೇರಿಮಠದ ಸದಾಶಿವಶ್ರೀಗಳು ಪಾಲ್ಗೊಂಡು ಅಜ್ಜಿಗೆ ಹಾರೈಸಿದರು. ಜನ್ಮದಿನಾಚರಣೆಗೆ ಆಗಮಿಸಿದವರಿಗೆ ಉತ್ತರಕರ್ನಾಟಕದ ತರೇವಾರಿ ಭೋಜನ ಏರ್ಪಡಿಸಲಾಗಿತ್ತು.
