ಹಾಸನ : ಜನರಲ್ ಸ್ಟೋರ್ ಬೀಗ ಮುರಿದು ಸುಮಾರು 2 ಲಕ್ಷಕ್ಕೂ ಅಧಿಕ ಮೌಲ್ಯದ ದಿನಬಳಕೆ ವಸ್ತುಗಳು ಹಾಗೂ 50 ಸಾವಿರ ನಗದನ್ನು ಕದ್ದೊಯ್ದಿರುವ ಘಟನೆ ಬೆಳಕಿಗೆ ಬಂದಿದೆ. ನಗರದ ವಲ್ಲಭಾಯಿ ರಸ್ತೆಯಲ್ಲಿರುವ ಪೈರೋಜ್ ಸ್ಟೋರ್ನಲ್ಲಿ ಕಳ್ಳರು ಬಾಗಿಲು ಮುರಿದು ಒಳ ನುಗ್ಗಿ ಅಂಗಡಿಯಲ್ಲಿದ್ದ ದಿನಬಳಕೆ ವಸ್ತುಗಳನ್ನ ಕದ್ದೊಯ್ದಿದ್ದಾರೆ.
ಹಾಸನದಲ್ಲಿ ವಾರದಲ್ಲಿ 3 ದಿನ ಮಾತ್ರ ವ್ಯಾಪಾರಕ್ಕೆ ಅವಕಾಶವಿದೆ. ಉಳಿದಂತೆ 4 ದಿನ ಲಾಕ್ಡೌನ್ ಮುಂದುವರೆದಿದೆ. ಶುಕ್ರವಾರ ಎಂದಿನಂತೆ ನಿಯಮಾನುಸಾರ ವ್ಯಾಪಾರ,ವಹಿವಾಟು ನಡೆಸಿ ಬಳಿಕ ಬಾಗಿಲು ಹಾಕಿಕೊಂಡು ಹೋಗಿದ್ದರು.
ಮರುದಿನ ಲಾಕ್ಡೌನ್ ಇದ್ದದ್ದರಿಂದ ಅಂಗಡಿಯ ಕಡೆ ಬಂದಿರಲಿಲ್ಲ. ಆದರೆ, ಇಂದು ಅಂಗಡಿಯು ಕಳ್ಳತನವಾಗಿರುವುದನ್ನು ಗಮನಿಸಿದ ಸ್ಥಳೀಯರು ಮಾಲೀಕರಿಗೆ ವಿಷಯ ಮುಟ್ಟಿಸಿದ್ದು, ಸ್ಥಳಕ್ಕೆ ಪೆನ್ಷನ್ ಮೊಹಲ್ಲಾ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಓದಿ: 100 ರೂ. ಕೇಳಿದ ಕಿಡಿಗೇಡಿಗಳು... ಕೊಡಲ್ಲ ಅಂದಿದ್ದಕ್ಕೆ ಮಾಜಿ ಉಪ ಕುಲಪತಿಯನ್ನೇ ಹತ್ಯೆ ಮಾಡಿಬಿಟ್ರು!
