ರಾಷ್ಟ್ರದಲ್ಲಿ 4 ಜಿ, ರಾಜ್ಯದಲ್ಲಿ 3ಜಿ ಕುಟುಂಬ ರಾಜಕಾರಣ: ಕೈ, ಜೆಡಿಎಸ್​ ವಿರುದ್ಧ ತಾರಾ ಗುಡುಗು

ದೇವೇಗೌಡರ ಅಖಾಡ ಹಾಸನದಲ್ಲಿ ತಾರಾ ಪ್ರಚಾರ ಮೆರಗು. ದೇಶದ ಅಭಿವೃದ್ಧಿಗಾಗಿ ಬಿಜೆಪಿಯನ್ನ ಬೆಂಬಲಿಸಿ, ಕುಟುಂಬ ರಾಜಕಾರಣ ನಮಗೆ ಬೇಡವೆಂದು ಕಾರ್ಯಕರ್ತರಲ್ಲಿ ತಾರಾ ಅನುರಾಧ್​ ಮನವಿ ಮಾಡಿದರು.

ಹಾಸನ :ತಾರಾಅನುರಾಧ್​ ಅವರುಹಾಸನದಲ್ಲಿ ಪ್ರಚಾರ ಮುಂದುವರಿಸಿದ್ದಾರೆ. ಬಿಜೆಪಿ ಅಭ್ಯರ್ಥಿ ಎ. ಮಂಜು ಅವರಿಗೆ ಮತ ನೀಡುವಂತೆ ಜನರಲ್ಲಿ ಮನವಿ ಮಾಡಿಕೊಂಡರು.

ನಗರದಲ್ಲಿ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದ ಅವರು, ತಾತನಿಂದ ಮೊಮ್ಮಗನವರೆಗೂ ರಾಷ್ಟ್ರದಲ್ಲಿ 4 ಜಿ ಮತ್ತು ರಾಜ್ಯದಲ್ಲಿ 3ಜಿ ಕುಟುಂಬ ರಾಜಕಾರಣ ಮಾಡುತ್ತಾ ಬಂದಿವೆ. ಆದರೆ ಯಾವುದೇ ಅಭಿವೃದ್ಧಿ ಕೆಲಸ ಮಾತ್ರ ಮಾಡಿಲ್ಲ, ದೇಶದ ಅಭಿವೃದ್ಧಿಗಾಗಿ ಬಿಜೆಪಿಯನ್ನ ಬೆಂಬಲಿಸಿ ಎಂದು ಕಾರ್ಯಕರ್ತರಲ್ಲಿ ಮನವಿ ಮಾಡಿದರು.

ಸುದ್ದಿಗೋಷ್ಟಿ ಬಳಿಕ ಅರಕಲಗೂಡಿಗೆ ತೆರಳಿ ಪಟ್ಟಣದ ವಿವಿಧ ಬಡಾವಣೆಗಳಲ್ಲಿ ಕಾಲ್ನಡಿಗೆ ಜಾಥಾ ಮಾಡುವ ಮೂಲಕ ಬಿಜೆಪಿ ಅಭ್ಯರ್ಥಿ ಎ ಮಂಜು ಪರ ಮತಯಾಚನೆ ಮಾಡಿದರು.

ಈ ಸಂದರ್ಭದಲ್ಲಿ ಬಿಜೆಪಿ ಅಭ್ಯರ್ಥಿ ಮಂಜು, ಹಾಸನದ ಬಿಜೆಪಿ ಶಾಸಕ ಪ್ರೀತಂಗೌಡ, ಬಿಜೆಪಿ ಜಿಲ್ಲಾಧ್ಯಕ್ಷ ನವಿಲೆ ಅಣ್ಣಪ್ಪ ಸೇರಿದಂತೆ ಸಾವಿರಾರು ಕಾರ್ಯಕರ್ತರು ರ್ಯಾಲಿಯಲ್ಲಿ ಭಾಗವಹಿಸಿದ್ದು ವಿಶೇಷವಾಗಿತ್ತು.