ಧಾರವಾಡ: ಪಾದರಾಯನಪುರ ಗಲಾಟೆಯ ಹಿಂದೆ ಜಮೀರ್ ಅಹ್ಮದ್ ಕೈವಾಡ ಇದೆ. ಗಲಭೆ ಮಾಡಿದವರನ್ನು ಅದೇ ಏರಿಯಾದಲ್ಲಿ ಬೆತ್ತಲೆ ಮೆರವಣಿಗೆ ಮಾಡಿ, ಅವರ ಆಸ್ತಿ-ಪಾಸ್ತಿಯನ್ನು ಜಪ್ತಿ ಮಾಡಬೇಕು. ಈ ಗಲಾಟೆಗೆ ಜಮೀರ್ ಅಹ್ಮದ್ ಕಾರಣೀಕರ್ತರಾಗಿದ್ದಕ್ಕೆ ಎಲ್ಲಿಯೂ ಹೊರಗೆ ಬರುತ್ತಿಲ್ಲ ಎಂದು ಪ್ರಮೋದ್ ಮುತಾಲಿಕ್ ಆರೋಪ ಮಾಡಿದ್ದಾರೆ.
ಧಾರವಾಡದಲ್ಲಿ ಈ ಕುರಿತು ಮಾತನಾಡಿರುವ ಮುತಾಲಿಕ್, ಪಾದರಾಯನಪುರದಲ್ಲಿ ನಡೆದ ಘಟನೆ ಅಸಹ್ಯಕರವಾಗಿದ್ದು, ಇದೊಂದು ದೇಶದ್ರೋಹದ ಪ್ರಕರಣ. ಇದನ್ನು ಅಷ್ಟು ಸುಲಭವಾಗಿ ಬಿಡದೆ, ಗಂಭಿರವಾಗಿ ಸರ್ಕಾರ ತೆಗೆದುಕೊಳ್ಳಬೇಕಿದೆ ಎಂದಿದ್ದಾರೆ.
ಇದು ಕೇವಲ ಪುಂಡ ಪೋಕರಿಗಳ ಗಲಭೆ ಅಲ್ಲ, ಇದೊಂದು ವ್ಯವಸ್ಥಿತ ಸಂಚು. ಇದರ ಹಿಂದೆ ಶಾಸಕ ಜಮೀರ್ ಅಹ್ಮದ್ ಕೈವಾಡವಿರುವುದು ಸ್ಪಷ್ಟವಾಗಿ ಗೋಚರಿಸುತ್ತಿದೆ ಎಂದು ದೂರಿದ್ದಾರೆ.
ಇಷ್ಟೆಲ್ಲ ಅವಾಂತರಗಳು ನಡೆದಿದ್ದರೂ ಸಹ ಜಮೀರ್ ಅಹ್ಮದ್ ಮಾತ್ರ ಹೊರ ಬರುತ್ತಿಲ್ಲ, ಈ ಘಟನೆಗೆ ಜಮೀರ್ ಕಾರಣವಾದ್ದರಿಂದ ಈ ಕೂಡಲೇ ರಾಜೀನಾಮೆ ನೀಡಬೇಕು ಎಂದು ಪ್ರಮೋದ್ ಮುತಾಲಿಕ್ ಕಿಡಿಕಾರಿದ್ದಾರೆ.
