ಲಾಕ್​​​​​​ಡೌನ್​​ ಎಫೆಕ್ಟ್​​ : ಬಾರ್​​ನಲ್ಲಿ ಎಣ್ಣೆ ಕದ್ದು ರಾಜಾರೋಷವಾಗಿ ಬೈಕ್​​ನಲ್ಲಿ ಪರಾರಿ

ರಾಜ್ಯದಲ್ಲಿ ಬಾರ್​ ಕಳ್ಳತನ ದಿನ ದಿನಕ್ಕೆ ಹೆಚ್ಚಾಗುತ್ತಿದ್ದು, ಇತಂಹದೊಂದು ಘಟನೆ ಧಾರವಾಡದಲ್ಲಿ ನಡೆದಿದೆ. ಕಳ್ಳತನ ಮಾಡಿ ಮದ್ಯದ ಬಾಟಲ್​ಗಳನ್ನು ಬೈಕ್​​ನಲ್ಲಿ ಸಾಗಿಸುವ ದೃಶ್ಯ ಸಿಸಿಟಿವಿಯಲ್ಲಿ ಸೇರೆಯಾಗಿದೆ.

ಧಾರವಾಡ: ಕೊರೊನಾ ಭೀತಿಯಿಂದ ಕುಡಿಯಲು ಮದ್ಯ ಸಿಗಲಿಲ್ಲ ಎಂದು ಬಾರ್ ಕಳ್ಳತನ ಮಾಡಿದ ಘಟನೆ ಧಾರವಾಡ ತಾಲೂಕಿನ‌ ನರೇಂದ್ರ ಗ್ರಾಮದಲ್ಲಿ ನಡೆದಿದೆ.

ನರೇಂದ್ರ ಗ್ರಾಮದ ಹೊರವಲಯದಲ್ಲಿರುವ ಬಾರ್ ನಲ್ಲಿ‌ ಸುಮಾರು ಹತ್ತು ಸಾವಿರ ಮೌಲ್ಯದ ಮದ್ಯವನ್ನು ಖದೀಮರು ಹೊತ್ತೊಯ್ದಿದ್ದಾರೆ. ಬೈಕ್ ನಲ್ಲಿ ರಾಜಾರೋಷವಾಗಿ ಬಂದು ಬಾರ್ ಕಳ್ಳತನ ಮಾಡಿದ್ದಾರೆ. ಕಳ್ಳತನ ಮಾಡಿ ಹೋಗುತ್ತಿರುವ ದೃಶ್ಯ ಸಿಸಿಟಿವಿ ಯಲ್ಲಿ ಸೆರೆಯಾಗಿದೆ.