ಲಾಕ್​​ಡೌನ್​ ವೇಳೆ ಡ್ರೋನ್​​​ನಲ್ಲಿ ಸೆರೆಯಾಗಿದೆ ಅವಳಿ ನಗರದ ಅಂದ... ಈ ವಿಡಿಯೋ ನೋಡಿ

ಲಾಕ್​ಡೌನ್​ ವೇಳೆ ಹುಬ್ಬಳ್ಳಿ-ಧಾರವಾಡದ ಸಂಪೂರ್ಣ ಚಿತ್ರಣವನ್ನು ಡ್ರೋನ್​​ ಮೂಲಕ ಸೆರೆ ಹಿಡಿದಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ವೈರಲ್​ ಆಗಿದೆ.

ಹುಬ್ಬಳ್ಳಿ: ಲಾಕ್​ಡೌನ್ ವೇಳೆ ತಮ್ಮ ನಗರದ ಸೌಂದರ್ಯವನ್ನು ಕಾಣುವ ಮಹದಾಸೆ ಹೊಂದಿದ್ದ ಯುವಕರ ತಂಡವೊಂದು ಅವಳಿ ನಗರದ ತಾಣಗಳನ್ನು ಡ್ರೋನ್ ಕ್ಯಾಮರಾದಲ್ಲಿ ಸೆರೆ ಹಿಡಿದು ಯೂಟ್ಯೂಬ್​ನಲ್ಲಿ ಹರಿಬಿಟ್ಟಿದ್ದು ಸಖತ್ ವೈರಲ್ ಆಗಿದೆ.

ಲಾಕ್​​ಡೌನ್ ವೇಳೆ ಅವಳಿ ನಗರ ಹುಬ್ಬಳ್ಳಿ-ಧಾರವಾಡದಲ್ಲಿ ನೀರವ ಮೌನ ಆವರಿಸಿತ್ತು. ಜನಜಂಗುಳಿ, ವಾಹನ ದಟ್ಟಣೆಯಿಂದ ಗಿಜಿಗುಡುತ್ತಿದ್ದ ರಸ್ತೆಗಳೆಲ್ಲಾ ಭಣಗುಡುತ್ತಿದ್ರೆ, ದೊಡ್ಡ ದೊಡ್ಡ ಕಟ್ಟಡಗಳು‌ ನಿರಾಭರಣ ಸುಂದರಿಯಂತೆ ಕಾಣುತ್ತಿರುವುದನ್ನು ಸೆರೆ ಹಿಡಿಯಲಾಗಿದೆ.

• " class="align-text-top noRightClick twitterSection" data="">

ಅಂದಹಾಗೆ ಈ ಅದ್ಭುತ ದೃಶ್ಯಗಳನ್ನು ಸೆರೆ ಹಿಡಿದವರು‌ ವೃತ್ತಿಪರ ಛಾಯಾಗ್ರಾಹಕರಲ್ಲ. ಜೆಎಸ್ಎಸ್​ ಕಾಲೇಜಿನ ಅಂತಿಮ ವರ್ಷದ ಇಂಜಿನಿಯರಿಂಗ್ ವಿದ್ಯಾರ್ಥಿಗಳಾದ ವಿನಾಯಕ ಹುಲಹಳ್ಳಿ, ವಿನಯಕುಮಾರ ಪತ್ತಾರ ಮತ್ತು ನಿಶ್ಚಲ ಮುದ್ದಣ್ಣವರ್ ಹಾಗೂ ಪಿಸಿ ಜಾಬೀನ ಕಾಲೇಜಿನ ಬಿಸಿಎ ವಿದ್ಯಾರ್ಥಿ ಸಂತೋಷ ಕೊರಿಶೆಟ್ಟರ್.

ಹುಬ್ಬಳ್ಳಿ-ಧಾರವಾಡ ಪ್ರತಿನಿಧಿಸುವ ಪ್ರಮುಖ ಸ್ಥಳ, ರಸ್ತೆ, ಸ್ಮಾರಕ, ಪ್ರತಿಮೆ, ಕಾಲೇಜು, ಮೈದಾನ, ರೈಲು ನಿಲ್ದಾಣ, ಕೆರೆಗಳ ದೃಶ್ಯಗಳನ್ನು ಸೆರೆ ಹಿಡಿದಿದ್ದು ಕಣ್ಣಿಗೆ ರಸದೌತಣ ನೀಡುತ್ತವೆ. ಯುವಕರು ಜಿಲ್ಲಾಧಿಕಾರಿ ದೀಪಾ ಚೋಳನ್ ಅವರ ಅನುಮತಿ ‌ಪಡೆದು ಮೂರು ದಿನಗಳಲ್ಲಿ ಬೈಕ್​ನಲ್ಲಿ ಸುತ್ತಾಡಿ ದೃಶ್ಯಗಳನ್ನು ಸೆರೆ ಹಿಡಿದಿದ್ದಾರೆ. ಸುಮಾರು 4.54 ನಿಮಿಷದ ಈ ವಿಡಿಯೋವನ್ನು ನೋಡಿದ ಜಿಲ್ಲಾಧಿಕಾರಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಅವಳಿ ನಗರದ ಪಕ್ಷಿನೋಟದಂತಿರುವ ಈ ವಿಡಿಯೋವನ್ನು ಈಗಾಗಲೇ ಸಾವಿರಾರು ಜನರು ನೋಡಿ‌ ಮೆಚ್ಚಿಕೊಂಡಿದ್ದು, ಯುವಕರಿಗೆ ಪ್ರಶಂಸೆಯ ಮಹಾಪೂರವೇ ಹರಿದು ಬರುತ್ತಿದೆ.