ದಾವಣಗೆರೆ: ಕಾಂಗ್ರೆಸ್ನವರು ಮೂರ್ಖತನದ ಹೇಳಿಕೆ ಕೊಡುವುದು ಸಾಮಾನ್ಯ. ಬಿಎಸ್ವೈ ಬಗ್ಗೆ ಕೂಡ ಹೀಗೆಯೇ ಅಪಪ್ರಚಾರ ಮಾಡಿದ್ದರು. ಯಾವುದೇ ಕಾರಣಕ್ಕೂ ಸಿಎಂ ಬದಲಾಗುವುದಿಲ್ಲ. ಕಾಂಗ್ರೆಸ್ನಲ್ಲಿ ಸಿದ್ದರಾಮಯ್ಯ, ಖರ್ಗೆ, ಡಿಕೆಶಿ ಹೀಗೆ ಅವರವರ ಹತ್ತಾರು ಗುಂಪುಗಳಿವೆ. ಕಾಂಗ್ರೆಸ್‌ನಲ್ಲಿರುವ ಭಿನ್ನಾಭಿಪ್ರಾಯಗಳು ಜನ್ರಿಗೆ ತಿಳಿಯುತ್ತೆಂದು ಸಿಎಂ ಬದಲಾಗುವ ಅಪಪ್ರಚಾರ ಮಾಡ್ತಿದ್ದಾರೆ ಎಂದು ಹೊನ್ನಾಳಿ ಶಾಸಕ ಎಂ.ಪಿ.ರೇಣುಕಾಚಾರ್ಯ ಹೇಳಿದರು.
ದಾವಣಗೆರೆಯಲ್ಲಿ ಮಾತನಾಡಿದ ಶಾಸಕ ರೇಣುಕಾಚಾರ್ಯ
ಹೊನ್ನಾಳಿ ಬಳಿಯ ತುಂಗಭದ್ರಾ ನದಿಗೆ ಬಾಗಿನ ಅರ್ಪಿಸಿದ ಬಳಿಕ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಮುಖ್ಯಮಂತ್ರಿ ಬದಲಾವಣೆ ಮಾಡಲಾಗುತ್ತದೆ ಎಂಬ ಕಾಂಗ್ರೆಸ್ನವರ ಹೇಳಿಕೆ ಮೂರ್ಖತನದ್ದು. ನಮ್ಮದು ಅಭಿವೃದ್ಧಿ ಪರ ಚಿಂತಿಸುವ ಸರ್ಕಾರ. ಕಾಂಗ್ರೆಸ್ನವರು ಹೇಳುವುದೆಲ್ಲ ಹಸಿ ಸುಳ್ಳು, ಅವರು ಭ್ರಮೆ ಹಾಗೂ ಮಾಯಾಲೋಕದಲ್ಲಿ ತೇಲಾಡುತ್ತಿದ್ದಾರೆ ಎಂದರು.
