ಮಂಗಳೂರು: ಕಳವು ಮಾಡಿದ ವಸ್ತುಗಳ ಜೊತೆ ಅನುಮಾನಾಸ್ಪದವಾಗಿ ನಿಂತಿದ್ದ ಇಬ್ಬರು ಕಳ್ಳರನ್ನು ವಿಟ್ಲ ಪೊಲೀಸರು ಮಾಲು ಸಮೇತ ಬಂಧಿಸಿದ್ದಾರೆ.
ಮೊಹಮ್ಮದ್ ಸಿಹಾನ್ ಹಾಗೂ ಜೋಯ್ಸನ್ ಬಂಧಿತರು. ಮಾಣಿ ಗ್ರಾಮದ ಮಾಣಿ ಜಂಕ್ಷನ್ ಬಳಿ ಇಬ್ಬರು ವ್ಯಕ್ತಿಗಳು ತಮ್ಮ ಬಳಿ ಒಂದು ಗೋಣಿ ಚೀಲವನ್ನು ಇಟ್ಟುಕೊಂಡು ಅನುಮಾನಾಸ್ಪದವಾಗಿ ನಿಂತಿದ್ದರು. ಇವರನ್ನು ವಿಚಾರಿಸಿದಾಗ ಸಮರ್ಪಕವಾದ ಉತ್ತರ ನೀಡಿರಲಿಲ್ಲ. ನಂತರ ಅವರ ಬಳಿ ಇದ್ದ ಗೋಣಿ ಚೀಲವನ್ನು ತೆಗೆದು ಪರಿಶೀಲಿಸಿದಾಗ 2 ಹಳೇಯ ಪಂಪ್ಗಳು, ಆಟೋ ರಿಕ್ಷಾದ ಹಳೇಯ ಡಿಸ್ಕ್‌, ಪಾಲಿಥಿನ್ ಚೀಲ ಕಂಡು ಬಂದಿದೆ.
ಇನ್ನೂ ಆರೋಪಿಗಳನ್ನು ವಿಚಾರಿಸಿದಾಗ ಪುತ್ತೂರು ಕಡೆಯಿಂದ ಕಳವು ಮಾಡಿಕೊಂಡು ಬಂದಿರುವುದಾಗಿ ಬಾಯಿಬಿಟ್ಟಿದ್ದು, ಅವರನ್ನು ಬಂಧಿಸಿದ ಪೊಲೀಸರು ವಸ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.
