ಶ್ರೀ ರಾಮುಲು ಮನಸಿನ ಮಾತುಗಳು ಸತ್ಯಕ್ಕೆ ದೂರವಾಗಿವೆ: ಮಾಜಿ ಸಚಿವೆ ಉಮಾಶ್ರೀ

ಮಾಜಿ ಸಚಿವ ಶ್ರೀ ರಾಮುಲು ನೀಡಿದ ಹೇಳಿಕೆಗೆ ಮಾಜಿ ಸಚಿವೆ ಉಮಾಶ್ರೀ ತಿರುಗೇಟು ನೀಡಿದ್ದಾರೆ.

ಚಿತ್ರದುರ್ಗ: ಸಿದ್ದರಾಮಯ್ಯ ಮತ್ತೊಮ್ಮೆ ಸಿಎಂ ಆಗುವುದಿಲ್ಲ ಎಂಬ ಸಚಿವ ಶ್ರೀ ರಾಮುಲು ಹೇಳಿಕೆಗೆ ಉಮಾಶ್ರೀ ತಿರುಗೇಟು ನೀಡಿದ್ದಾರೆ.

ನಗರದಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಸಿದ್ದರಾಮಯ್ಯ ಮತ್ತೊಮ್ಮೆ ಮುಖ್ಯಮಂತ್ರಿ ಆಗ್ಬೇಕು ಎನ್ನುವುದು ಜನ ಸಾಮಾನ್ಯರ ಬೇಡಿಕೆಯಾಗಿದೆ. ಆದರೆ ಸಚಿವ ಶ್ರೀ ರಾಮುಲು ಮನಸಿನ ಮಾತುಗಳು ಸತ್ಯಕ್ಕೆ ದೂರವಾಗಿವೆ. ಕನಸಿನಲ್ಲೂ ಶ್ರೀರಾಮುಲು ಅವರು ಸಿಎಂ ಆಗುವುದಿಲ್ಲ ಎಂದು ಉಮಾಶ್ರೀ ತಿರುಗೇಟು ನೀಡಿದರು.

ಇನ್ನು ಸಿದ್ದರಾಮಯ್ಯ ಸಿಎಂ ಸ್ಥಾನದಿಂದ ಇಳಿದ ಬಳಿಕ ಉಮಾಶ್ರೀ ದೂರವಾಗಿದ್ದಾರೆ ಎಂಬ ಪ್ರಶ್ನೆಗೆ ಉತ್ತರಿಸಿದ ಅವರು, ನಾನು ಎಲ್ಲೂ ದೂರ ಹೋಗಿಲ್ಲ. ಕ್ಷೇತ್ರದಲ್ಲಿದ್ದು ಜನರ ಕಷ್ಟ ಆಲಿಸುತ್ತಿರುವೆ‌. ಶ್ರೀ ರಾಮುಲು ಇಲ್ಲಿಗೆ ಬಂದು ನೋಡಿದರೆ ನಾನು ಕಾಣಿಸುತ್ತೇನೆ ಎಂದು ಅವರು ಹೇಳಿದರು‌.

ಓದಿ; ಎರಡು ಕೊರೊನಾ ಲಸಿಕೆಗಳ ತುರ್ತು ಬಳಕೆಗೆ ಡಿಸಿಜಿಐ ಗ್ರೀನ್​ ಸಿಗ್ನಲ್