ಚಿತ್ರದುರ್ಗ: ಲಂಚ ಪಡೆದು ಸರಕು ಲಾರಿ ಬಿಟ್ಟು ಕಳುಹಿಸಿರುವ ಆರೋಪದಡಿ ಜಿಲ್ಲೆಯ ತುರುವನೂರು ಪೊಲೀಸ್ ಠಾಣೆಯ ಪಿಎಸ್ಐ, ಎಎಸ್ಐ ಸೇರಿದಂತೆ ಇಬ್ಬರು ಪೇದೆಗಳನ್ನು ಅಮಾನತು ಮಾಡಲಾಗಿದೆ.
ಚಿತ್ರದುರ್ಗ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಜಿ.ರಾಧಿಕಾ ಅಮಾನತು ಆದೇಶ ಹೊರಡಿಸಿದ್ದಾರೆ. ಚಿತ್ರದುರ್ಗ ತಾಲೂಕಿನಲ್ಲಿರುವ ತುರುವನೂರು ಪೊಲೀಸ್ ಠಾಣೆಯ ಪಿಎಸ್ಐ ಯಶೋದಮ್ಮ, ಎಎಸ್ಐ ಸುದರ್ಶನ, ಚಾಲಕ ನಾಗರಾಜ, ಪೇದೆ ಮಂಜುನಾಥ ಅಮಾನತಾಗಿದ್ದು, ಅಕ್ರಮ ಅದಿರು ಲಾರಿ ಸಾಗಣೆಗೆ ಅವಕಾಶ ನೀಡಿದ ಆರೋಪ ಕೇಳಿ ಬಂದಿದೆ.
ಲಂಚ ಪಡೆದು ಅಧಿಕ ಅದಿರು ತುಂಬಿದ್ದ ಲಾರಿ ಸಾಗಣೆಗೆ ಅವಕಾಶ ಹಿನ್ನೆಲೆ ಅಮಾನತು ಮಾಡಲಾಗಿದೆ ಎಂದು ಪೊಲೀಸ್ ವರಿಷ್ಠಾಧಿಕಾರಿ ಜಿ.ರಾಧಿಕಾ ಮಾಹಿತಿ ನೀಡಿದರು.
