ಕೊಳ್ಳೇಗಾಲ, ಚಾಮರಾಜನಗರ: ಬೇಟೆಗಾರರಿಂದ ಮಾಂಸ ಖರೀದಿಸಿ ಕೊಂಡೊಯ್ಯುತ್ತಿದ್ದ ದಂಪತಿಯನ್ನು ಬಂಧಿಸಿರುವ ಘಟನೆ ಮಲೆ ಮಹದೇಶ್ವರ ವನ್ಯಜೀವಿ ವಿಭಾಗಕ್ಕೆ ಸೇರಿದ ಪಿ.ಜಿ.ಪಾಳ್ಯ-ಲೊಕ್ಕ‌ನಹಳ್ಳಿ ರಸ್ತೆಯಲ್ಲಿ ನಡೆದಿದೆ.
ಗುಳ್ಳದಬಯಲು ಗ್ರಾಮದ ನಾಗೇಶ್ ಹಾಗೂ ಈತನ ಪತ್ನಿ ಮಾದೇವಿ ಬಂಧಿತ ಆರೋಪಿಗಳಾಗಿದ್ದು, ರಾಮಾಪುರ ಗ್ರಾಮದ ಸೋಮು ಎಂಬಾತ ನಾಪತ್ತೆಯಾಗಿದ್ದಾನೆ. ಸೋಮುವಿನಿಂದ ಈ ದಂಪತಿ ಬೇಟೆಯಾಡಿದ್ದ ಕಡವೆ ಮಾಂಸವನ್ನು ಖರೀದಿಸಿ ಬೈಕ್ನಲ್ಲಿ ಸಾಗಿಸುತ್ತಿದ್ದ ಖಚಿತ ಮಾಹಿತಿ ಮೇರೆಗೆ ಮಲೆಮಹದೇಶ್ವರ ವನ್ಯ ಜೀವಿಧಾಮದ ಡಿಸಿಎಫ್ ಏಡುಕೊಂಡಲು ಮಾರ್ಗದರ್ಶನದಲ್ಲಿ ಅಧಿಕಾರಿಗಳು ದಾಳಿ ನಡೆಸಿ ಆರೋಪಿಗಳನ್ನು ಬಂಧಿಸಿದ್ದಾರೆ.
ಬಂಧಿತರಿಂದ ಒಂದು ಬೈಕ್, 6.5 ಕೆಜಿ ಕಡವೆ ಮಾಂಸವನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡು ಅರಣ್ಯಾಧಿಕಾರಿಗಳು ನಾಪತ್ತೆಯಾದ ಆರೋಪಿಗೆ ಬಲೆ ಬೀಸಿದ್ದಾರೆ.
ಇದನ್ನೂ ಓದಿ: ಅಮೆರಿಕದಲ್ಲಿ ಬಹು ಮಹಡಿ ಕಟ್ಟಡ ಕುಸಿತ ಪ್ರಕರಣ: ಭಾರತ ಮೂಲದ ಅಮೆರಿಕನ್‌ ದಂಪತಿ ನಾಪತ್ತೆ..!
