ಕೊರೊನಾ ಶಂಕಿತೆ ಸಾವು ಪ್ರಕರಣ: ಉಸಿರಾಟದ ತೊಂದರೆಯಿಂದ ಮೃತಪಟ್ಟ ಮಹಿಳೆ

ಚಾಮರಾಜನಗರ ಜಿಲ್ಲೆಯಲ್ಲಿ ಕೊರೊನಾ ಶಂಕಿತ ಮಹಿಳೆಯೊಬ್ಬರು ಮೃತಪಟ್ಟಿದ್ದು, ಈಗ ಆಕೆಯ ಕೊರೊನಾ ವರದಿ ನೆಗೆಟಿವ್​ ಬಂದಿದೆ.

ಚಾಮರಾಜನಗರ: ಕೊರೊನಾ ಶಂಕಿತ 29 ವರ್ಷದ ಮಹಿಳೆಯೊಬ್ಬರು ಮೃತಪಟ್ಟಿದ್ದು, ಈಗ ಆಕೆಯ ಕೊರಾನ ವರದಿ ನೆಗೆಟಿವ್ ಬಂದಿದೆ ಎಂದು ಜಿಲ್ಲಾಧಿಕಾರಿ ಡಾ. ಎಂ.ಆರ್​ ರವಿ ತಿಳಿಸಿದ್ದಾರೆ.

ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಆಕೆಯ ಸಾವಿಗೂ, ಕೊರೊನಾಗೂ ಯಾವುದೇ ಸಂಬಂಧವಿಲ್ಲ. ಗಂಟಲ್​ ದ್ರವ ಪರೀಕ್ಷೆ ವರದಿ ನೆಗೆಟಿವ್​ ಬಂದಿದ್ದು, ಯಾವುದೇ ಗೊಂದಲ ಮತ್ತು ಆತಂಕ ಬೇಡವೆಂದು ಜಿಲ್ಲಾಧಿಕಾರಿ ತಿಳಿಸಿದ್ದಾರೆ.

ತೀವ್ರ ಉಸಿರಾಟದ ಸಮಸ್ಯೆಯಿಂದ ಬಳಲುತ್ತಿದ್ದ ಮಹಿಳೆ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದ್ದಾರೆ. ಮೃತಳು ಚಾಮರಾಜನಗರದ ಬ್ಯಾಡಮೂಡ್ಲು ಗ್ರಾಮದವರಾಗಿದ್ದು, ಮಂಡ್ಯದಿಂದ ನಾಲ್ಕು ದಿನದ ಹಿಂದೆ ತವರಿಗೆ ಬಂದಿದ್ದರು ಎಂದು ಹೇಳಿದರು. ‌