ಚಾಮರಾಜನಗರದಲ್ಲಿ 30 ಸಾವಿರ ದಾಟಿದ ಪರೀಕ್ಷೆ: 1,487ಕ್ಕೇರಿದ ಕೊರೊನಾ ಸೋಂಕಿತರು

ಇಂದು ಬಿಡುಗಡೆಯಾದ 68 ಮಂದಿಯಲ್ಲಿ 14 ಚಿಣ್ಣರು ಸೋಂಕು ಗೆದ್ದು ಮನೆಗೆ ಮರಳಿರುವುದು ವಿಶೇಷವಾಗಿದೆ.

ಚಾಮರಾಜನಗರ: ಜಿಲ್ಲೆಯಲ್ಲಿ ಇಂದು ಕೊರೊನಾ ಪರೀಕ್ಷೆ ಸಂಖ್ಯೆ 30 ಸಾವಿರ ದಾಟಿದ್ದು, ಸೋಂಕಿತರ ಸಂಖ್ಯೆ 1,487ಕ್ಕೇರಿದೆ.

ಇಂದು ಹೊಸದಾಗಿ 55 ಕೋವಿಡ್ ಪಾಸಿಟಿವ್ ಕೇಸ್ ಪತ್ತೆಯಾಗಿದ್ದು, 68 ಮಂದಿ ಗುಣಮುಖರಾಗಿ ಮನೆಗೆ ಮರಳಿದ್ದಾರೆ. ಸಕ್ರಿಯ ಪ್ರಕರಣಗಳ ಸಂಖ್ಯೆ 410 ರಷ್ಟಾಗಿದ್ದು ಇಂದು ಕೂಡ ಮಹಾಮಾರಿಗೆ ಇಬ್ಬರು ಬಲಿಯಾಗಿದ್ದಾರೆ. ಇಲ್ಲಿಯವರೆಗೆ ಜಿಲ್ಲೆಯಲ್ಲಿ 30,722 ಪರೀಕ್ಷೆ ನಡೆಸಲಾಗಿದ್ದು 619 ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕಿತರ ಮೇಲೆ ಆರೋಗ್ಯ ಇಲಾಖೆ ನಿಗಾ ಇಟ್ಟಿದೆ. 134 ಮಂದಿ ಹೋಂ ಐಸೊಲೇಷನ್​ನಲ್ಲಿದ್ದಾರೆ.

ಗುಂಡ್ಲುಪೇಟೆಯ 55 ವರ್ಷದ ವ್ಯಕ್ತಿ ಹಾಗೂ ಚಾಮರಾಜನಗರದ 64 ವರ್ಷದ ವೃದ್ಧ ಕೋವಿಡ್ ಆಸ್ಪತ್ರೆ ದಾಖಲಾಗಿ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ. 30 ಮಂದಿ ಸೋಂಕಿಗೆ ಬಲಿಯಾಗಿದ್ದಾರೆ.