ಚಾಮರಾಜನಗರ: 73 ಜನಕ್ಕೆ ಕೊರೊನಾ ದೃಢ, 131 ಮಂದಿ ಗುಣಮುಖ

ಚಾಮರಾಜನಗರದಲ್ಲಿಂದು 73 ಮಂದಿಗೆ ಕೊರೊನಾ ದೃಢಪಟ್ಟಿದ್ದು, 131 ಮಂದಿ ಗುಣಮುಖರಾಗಿ ಮನೆಗೆ ತೆರಳಿದ್ದಾರೆ.

ಚಾಮರಾಜನಗರ: ಜಿಲ್ಲೆಯಲ್ಲಿಂದು 73 ಕೋವಿಡ್ ಪಾಸಿಟಿವ್ ಕೇಸ್ ಪತ್ತೆಯಾಗುವ ಮೂಲಕ ಸೋಂಕಿತರ ಸಂಖ್ಯೆ 4,548ಕ್ಕೆ ಏರಿಕೆಯಾಗಿದೆ.

ಇಂದು ಬರೋಬ್ಬರಿ 131 ಜನರು ಗುಣಮುಖರಾಗುವ ಮೂಲಕ ಸಕ್ರಿಯ ಪ್ರಕರಣಗಳ ಸಂಖ್ಯೆ 800ಕ್ಕಿಳಿದಿದೆ‌. 38 ಮಂದಿ ಸೋಂಕಿತರು ಐಸಿಯುನಲ್ಲಿದ್ದು, 312 ಮಂದಿ ಹೋಂ ಐಸೋಲೇಷನ್​ನಲ್ಲಿದ್ದಾರೆ‌. 1,095 ಮಂದಿ ಪ್ರಾಥಮಿಕ ಹಾಗೂ ದ್ವಿತೀಯ ಸಂಪರ್ಕಿತರ ಮೇಲೆ ಆರೋಗ್ಯ ಇಲಾಖೆ ನಿಗಾ ಇಟ್ಟಿದೆ.

ಇಂದು ಗುಣಮುಖರಾದವಲ್ಲಿ 60 ವರ್ಷ ಮೇಲ್ಪಟ್ಟ 22 ಮಂದಿ ಇದ್ದಾರೆ. ಜಿಲ್ಲೆಯ ಪರೀಕ್ಷೆಗಳ ಸಂಖ್ಯೆ 68 ಸಾವಿರ ದಾಟಿದ್ದು, ಒಟ್ಟು ಮೃತರ ಸಂಖ್ಯೆ 99ಕ್ಕೆ ಏರಿದೆ.