ಬೀದರ್​ನಲ್ಲಿ ಕುಡಿಯುವ ನೀರಿಗೆ ಪರದಾಟ... ಬಿಂದಿಗೆ ನೀರಿಗೆ 2 ಕಿ ಮೀ ಹೋಗಬೇಕು

ಕಳೆದ ಎರಡು ತಿಂಗಳಿಂದ ಈ ಬಡಾವಣೆ ನಿವಾಸಿಗರು ಕುಡಿಯುವ ಹನಿ ನೀರಿಗೂ ಪರದಾಡ್ತಿದ್ದಾರೆ. ಬೆಳಿಗ್ಗೆ, ರಾತ್ರಿಯಾದ್ರೆ ಸಾಕು ಎರಡು ಕಿಲೋ ಮಿಟರ್ ದೂರದ ಬೋರ್​ವೇಲ್ ನಿಂದ ನೀರು ತಂದು ಬಳಕೆ ಮಾಡಬೇಕಾಗಿದೆ

ಬೀದರ್: ಭೀಕರ ಬರದಿಂದ ಭೂಮಿ ಬರಡಾಗಿದ್ದು, ಜನರು ಹನಿ ನೀರಿಗೂ ಪರದಾಡುವಂತಹ ಸ್ಥಿತಿ ನಗರದಲ್ಲಿ ಉಲ್ಬಣಗೊಂಡಿದೆ.

ನಗರದ ಸಂಗಮೇಶ್ವರ ಬಡಾವಣೆಯಲ್ಲಿ ಈ ಸಮಸ್ಯೆ ಉಂಟಾಗಿದ್ದು, ಕಳೆದ ಎರಡು ತಿಂಗಳಿಂದ ಈ ಬಡಾವಣೆ ನಿವಾಸಿಗರು ಕುಡಿಯುವ ಹನಿ ನೀರಿಗೂ ಪರದಾಡ್ತಿದ್ದಾರೆ. ಬೆಳಿಗ್ಗೆ, ರಾತ್ರಿಯಾದ್ರೆ ಸಾಕು ಎರಡು ಕಿಲೋ ಮಿಟರ್ ದೂರದ ಬೋರ್​ವೇಲ್ ನಿಂದ ನೀರು ತಂದು ಬಳಕೆ ಮಾಡಬೇಕಾಗಿದೆ.

ಚುನಾವಣೆಯಲ್ಲಿ ಪ್ರಚಾರಕ್ಕೆ ಬಂದ ಜನ ನಾಯಕರು ಬೆಟ್ಟದಷ್ಟು ಭರವಸೆ ಕೊಟ್ಟು ಈಗ ಕಾಣದಂತೆ ಮಾಯವಾಗಿದ್ದಾರೆ. ನಗರಸಭೆ ಅಧಿಕಾರಿಗಳು ಕಣ್ಣಿಗೆ ಕಂಡರು ಜಾಣಕುರುಡರಂತೆ ವರ್ತಿಸುತ್ತಿದ್ದು, ಸಮಸ್ಯೆ ಮತ್ತಷ್ಟು ಹೆಚ್ಚಾಗತೊಡಗಿದೆ ಎಂದು ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.