ಹೊಸಪೇಟೆ: ನಗರದ ವಾಲಂಟೀರ್ಸ್ ಅಸೋಸಿಯೇಷನ್ ಯುವಕರು ಪರಿಸರ ಸ್ನೇಹಿ ಗಣೇಶ ಮೂರ್ತಿಗಳನ್ನು ತಯಾರಿಸಿ ಪರಿಸರ ಸ್ನೇಹಿ ಹಬ್ಬ ಆಚರಿಸಲು ಪ್ರೇರಣೆಯಾಗಿದ್ದಾರೆ.
ವಾಲಂಟೀರ್ಸ್ ಅಸೋಸಿಯೇಷನ್ ಯುವಕರಿಂದ ಪರಿಸರ ಸ್ನೇಹಿ ಗಣೇಶ ಮೂರ್ತಿ
ಗಣೇಶ ಮೂರ್ತಿಗಳನ್ನು ತಯಾರಿಸಿದ ಈ ಸಂಸ್ಥೆ ಉಪವಿಭಾಗಾಧಿಕಾರಿ, ತಹಶೀಲ್ದಾರ್, ಪೊಲೀಸ್, ಸರ್ಕಾರಿ ಅಧಿಕಾರಿಗಳಿಗೆ ನೀಡಲು ಮುಂದಾಗಿದ್ದಾರೆ. ಕಂಪ್ಲಿ ಶಾಸಕ ಜೆ.ಎನ್.ಗಣೇಶ್ಗೂ ಸಹ ಪರಿಸರ ಸ್ನೇಹಿ ಗಣಪನನ್ನು ನೀಡಿದ್ದಾರೆ.
ಕೆಂಪು ಮಣ್ಣಿನಿಂದ ಮೂರ್ತಿ ತಯಾರಿಸಿ ಕುಂಡಲಿಯಲ್ಲಿ ಪ್ರತಿಷ್ಠಾಪಿಸಲಾಗಿದೆ. ಕುಂಡಲಿ ಕೆಳ ಭಾಗದಲ್ಲಿ ಕಾಂಪೋಸ್ಟ್ ಗೊಬ್ಬರವನ್ನು ಹಾಕಲಾಗಿದೆ. ಇನ್ನೊಂದು ವಿಶೇಷ ಎಂದರೆ ಗಣೇಶ ಮೂರ್ತಿ ಒಳಗಡೆ ತುಳಸಿ ಬೀಜ ಹಾಕಿ ಮೊಳಕೆ ಬರುವಂತೆ ಮಾಡಿದ್ದಾರೆ. ಕುಂಡಲಿಯಲ್ಲಿ ಮೂರ್ತಿಯನ್ನು ವಿಸರ್ಜನೆ ಮಾಡಬಹುದಾಗಿದೆ.
