ಬಳ್ಳಾರಿ: ಜಿಲ್ಲೆಯ ಹಗರಿಬೊಮ್ಮನಹಳ್ಳಿ ಪುರಸಭೆಯ ಅಧ್ಯಕ್ಷ ಮತ್ತು ಉಪಾಧ್ಯಕ್ಷರ ಆಯ್ಕೆಯ ಚುನಾವಣೆ ವೇಳೆ ಬಿಜೆಪಿ- ಕಾಂಗ್ರೆಸ್ಸಿಗರ ನಡುವೆ ನಡೆದ ನೂಕಾಟ ಹಾಗೂ ತಟ್ಟಾಟದ ವಿಡಿಯೋಗಳು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.
ಅಂದು ನಡೆದಿದ್ದು ಹೀಗೆ : ಅಂದು ಬೆಂಬಲಿಗರೊಂದಿಗೆ ಪುರಸಭೆಯ ಕಾರ್ಯಾಲಯದ ಒಳಗಡೆ ನಿಂತಿದ್ದ ಶಾಸಕ ಭೀಮಾ ನಾಯ್ಕ ಅವರನ್ನು ಸೂಕ್ಷ್ಮವಾಗಿ ಗಮನಿಸಿದ ಬಿಜೆಪಿ ಎಸ್ಟಿ ಮೋರ್ಚಾದ ಮಂಡಲ ಅಧ್ಯಕ್ಷ ಗರಗದ ಪ್ರಕಾಶ ಎಂಬಾತ ಹಲ್ಲೆಗೆ ಯತ್ನಿಸಿದ್ದಾನೆ.
ಆಗ ಸ್ಥಳದಲ್ಲಿದ್ದ ಪೊಲೀಸರು ಆತನನ್ನ ತಡೆದು ಆಗಬಹುದಾದ ಗಲಾಟೆಯನ್ನು ಹತ್ತಿಕ್ಕಿಲು ಪ್ರಯತ್ನಿಸಿದ್ದಾರೆ. ಆದರೆ, ನೂಕಾಟ ಮತ್ತು ತಳ್ಳಾಟದ ನಡುವೆಯೇ ಗದ್ದಲಕ್ಕೆ ಮತ್ತಷ್ಟು ಪುಷ್ಠಿ ನೀಡುವಂತಹ ಘಟನೆ ಅಂದು ನಡೆದಿವೆ. ಈ ಎಲ್ಲ ಘಟನಾವಳಿಗಳ ದೃಶ್ಯ ಅಲ್ಲಿನ ಸಿಸಿ ಟಿವಿಯಲ್ಲಿ ಸೆರೆಯಾಗಿವೆ. ಇಂದು ಅವುಗಳನ್ನು ಪರಿಶೀಲನೆ ಮಾಡಲಾಗುತ್ತಿದೆ.
ರೊಚ್ಚಿಗೆಬ್ಬಿಸಿದ ಬಿಜೆಪಿ ಯುವ ಮುಖಂಡ : ಅಶ್ಲೀಲ ಪದ ಬಳಕೆಯೊಂದಿಗೆ ನೇರವಾಗಿ ಶಾಸಕರಿಗೆ ಧಮ್ಮಿ ಹಾಕುತ್ತಿರುವ ದೃಶ್ಯ ಕೂಡ ಈ ವಿಡಿಯೋದಲ್ಲಿದೆ. ಇವೆಲ್ಲವೂ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.
ಬಿಜೆಪಿಗರ ದುಂಡಾವರ್ತನೆಯು ಜಗಜ್ಜಾಹೀರಾಗಿರೋದು ವ್ಯಾಪಕ ಟೀಕೆಗೆ ಒಳಗಾಗಿದೆ. ಘಟನೆ ಖಂಡಿಸಿರುವ ಮೂಲ ಬಿಜೆಪಿಗರ ಚರ್ಚಾತ್ಮಕ ವಿಡಿಯೋಗಳು ಸಹ ವೈರಲ್ ಆಗಿವೆ.
