ಮೂರು ದಿನದ ಸಾರಿಗೆ ಮುಷ್ಕರದಿಂದ ಎನ್​ಇಕೆಎಸ್ಆರ್​​ಟಿಸಿಗೆ ಆದ ನಷ್ಟ ಎಷ್ಟು ಗೊತ್ತಾ?

ತಮ್ಮನ್ನು ಸರ್ಕಾರಿ ನೌಕರರೆಂದು ಪರಿಗಣಿಸುವಂತೆ ಒತ್ತಾಯಿಸಿ ಮೂರು ದಿನಗಳ ಕಾಲ ಸಾರಿಗೆ ನೌಕರರು ಮುಷ್ಕರ ನಡೆಸಿದರು. ಇದರಿಂದ ಎನ್​ಇಕೆಎಸ್ಆರ್​​ಟಿಸಿ ವಿಭಾಗಕ್ಕೆ 86 ಲಕ್ಷ ರೂ. ನಷ್ಟವಾಗಿದೆ ಎಂದು ಹೊಸಪೇಟೆ ವಿಭಾಗದ ನಿಯಂತ್ರಣಾಧಿಕಾರಿ ಜಿ.ಶೀನಯ್ಯ ಮಾಹಿತಿ ನೀಡಿದ್ದಾರೆ.

ಹೊಸಪೇಟೆ: ಮೂರು ದಿನದ ಸಾರಿಗೆ ನೌಕರ ಮುಷ್ಕರದಿಂದ ಎನ್​ಇಕೆಎಸ್ಆರ್​​ಟಿಸಿ ವಿಭಾಗಕ್ಕೆ 86 ಲಕ್ಷ ರೂ. ನಷ್ಟವಾಗಿದೆ ಎಂದು ಹೊಸಪೇಟೆ ವಿಭಾಗದ ನಿಯಂತ್ರಣಾಧಿಕಾರಿ ಜಿ.ಶೀನಯ್ಯ ಹೇಳಿದರು.

ನಗರದ ಬಸ್ ನಿಲ್ದಾಣ ಕಚೇರಿಯಲ್ಲಿ 'ಈಟಿವಿ ಭಾರತ'ದೊಂದಿಗೆ ಮಾತನಾಡಿದ ಅವರು, ಡಿ.11 ರಂದು 16 ಲಕ್ಷ ರೂ., 12 ರಂದು 30 ಲಕ್ಷ ರೂ., 13 ರಂದು 40 ರೂ. ನಷ್ಟವಾಗಿದೆ. ಒಂದು ದಿನಕ್ಕೆ 46 ಲಕ್ಷ ರೂ. ಸರಾಸರಿ ಆದಾಯ ವಿಭಾಗಕ್ಕೆ ಬರುತ್ತದೆ ಎಂದು ಮಾಹಿತಿ ನೀಡಿದರು.

ನಿನ್ನೆ ರಾತ್ರಿಯಿಂದ ದೂರದ ಊರುಗಳಿಗೆ ಬಸ್ ಕಾರ್ಯಾಚರಣೆ ಮಾಡಲಾಗುತ್ತಿದೆ. ವಿಭಾಗದಿಂದ ಒಟ್ಟು 65 ಬಸ್​​ಗಳನ್ನು ಓಡಿಸಲಾಗಿದೆ. ಜನರು ಕ್ರಮೇಣವಾಗಿ ನಿಲ್ದಾಣದತ್ತ ಆಗಮಿಸುತ್ತಿದ್ದಾರೆ. ನಿನ್ನೆ ರಾತ್ರಿಯಿಂದ ಬಸ್​​ಗಳು ಪೊಲೀಸ್ ಭದ್ರತೆಯೊಂದಿಗೆ ರಸ್ತೆಗಿಳಿದಿವೆ ಎಂದು ತಿಳಿಸಿದರು.