ಚಿಕ್ಕೋಡಿಯಲ್ಲಿ ಕೊರೊನಾ ವಾರಿಯರ್ಸ್​ಗೆ ಗೌರವ ಸಲ್ಲಿಸಿದ ನಿವೃತ್ತ ಯೋಧರು

ಕೊರೊನಾ ಆರಂಭ ಆದಾಗಿನಿಂದ ಹಗಲು ರಾತ್ರಿ ಶ್ರಮಿಸುತ್ತಿರುವ ರಾಯಬಾಗದ ಕೊರೊನಾ ವಾರಿಯರ್ಸ್​ಗೆ ಇಲ್ಲಿನ ನಿವೃತ್ತ ಸೈನಿಕರ ಸಂಘ ಗೌರವ ಸಲ್ಲಿಸಿದೆ. ಜೈ ಜವಾನ್​ ಜೈ ಕಿಸಾನ್​ ರೂರಲ್ ಆ್ಯಂಡ್​​ ಅರ್ಬನ್ ಡೆವಲಪ್​ಮೆಂಟ್​​​ ಸೂಸೈಟಿ ಮೂಲಕ ಈ ಸನ್ಮಾನ ಕಾರ್ಯಕ್ರಮ ಆಯೋಜಿಸಲಾಯಿತು.

ಚಿಕ್ಕೋಡಿ (ಬೆಳಗಾವಿ): ಕೋವಿಡ್​19 ಮಹಾಮಾರಿ ವಿರುದ್ಧ ಶ್ರಮಿಸುತ್ತಿರುವ ರಾಯಬಾಗ ತಾಲೂಕಿನ ಕೊರೊನಾ ವಾರಿಯರ್ಸ್‌ಗೆ ತಾಲೂಕಿನ ಕಂಕಣವಾಡಿ ನಿವೃತ ಯೋಧರ ಸಂಘ ಜೈ ಜವಾನ್ ಜೈ ಕಿಸಾನ್ ರೂರಲ್ ಆ್ಯಂಡ್​ ಅರ್ಬನ್ ಡೆವಲಪ್​ಮೆಂಟ್​ ಸೂಸೈಟಿ ಮೂಲಕ ಗೌರವಿಸಲಾಯಿತು.

ಕಂಕಣವಾಡಿ ಪಟ್ಟಣ ಪಂಚಾಯತಿ ಸಭಾ ಭವನದಲ್ಲಿ ಈ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.‌ ಕೊರೊನಾ ವೈರಸ್ ವಿರುದ್ಧ ಶ್ರಮಿಸುತ್ತಿರುವ ಆರೋಗ್ಯ, ಪೊಲೀಸ್, ಕಂದಾಯ, ಪೌರಾಡಳಿತ, ಶಿಕ್ಷಣ ಇಲಾಖೆ, ಹೋಮ್​​ ಗಾರ್ಡ್​​, ಆಶಾ, ಅಂಗನವಾಡಿ ಕಾರ್ಯಕರ್ತೆಯರು, ಸಹಾಯಕರು, ಪೌರಕಾರ್ಮಿಕರು, ತಾಲೂಕು, ಗ್ರಾಮ ಪಂಚಾಯಿತಿ ಹಾಗೂ ಪತ್ರಕರ್ತರನ್ನು ಗೌರವಿಸಲಾಯಿತು.