ಬೆಳಗಾವಿ: ಸ್ಟಾರ್ ಏರ್ಲೈನ್ಸ್ ಸಂಸ್ಥೆ ಬೆಳಗಾವಿ-ಸೂರತ್ ಮಾರ್ಗ ಮಧ್ಯೆ ಇಂದಿನಿಂದ ನೂತನ ವಿಮಾನ ಸೇವೆ ಆರಂಭಿಸಿದೆ.
ಬೆಳಗಾವಿಯ ಸಾಂಬ್ರಾ ವಿಮಾನ ನಿಲ್ದಾಣದಲ್ಲಿ ನೂತನ ಸೇವೆಗೆ ಜಿಲ್ಲಾಧಿಕಾರಿ ಎಂ.ಜಿ.ಹಿರೇಮಠ ಚಾಲನೆ ನೀಡಿದರು. ಬೆಂಗಳೂರು, ಮುಂಬೈ, ತಿರುಪತಿ, ಚೆನ್ನೈ ಸೇರಿದಂತೆ ವಿವಿಧೆಡೆ ವಿಮಾನ ಸೇವೆ ನೀಡಿದ್ದ ಸ್ಟಾರ್ ಏರ್ಲೈನ್ಸ್ ಇದೀಗ ತನ್ನ ಸೇವೆ ವಿಸ್ತರಿಸಿದೆ.
ಓದಿ: ಬಿಜೆಪಿಯಲ್ಲಿ ಜೆಡಿಎಸ್ ವಿಲೀನ ಕಪೋಲಕಲ್ಪಿತ ಸುಳ್ಳು ವದಂತಿ: ಕ್ಯಾ.ಗಣೇಶ್ ಕಾರ್ಣಿಕ್
ಮೊದಲ ಪ್ಯಾಸೆಂಜರ್ಗೆ ಬೋರ್ಡಿಂಗ್ ಪಾಸ್ ನೀಡುವ ಮೂಲಕ ನೂತನ ಸೇವೆಗೆ ಜಿಲ್ಲಾಧಿಕಾರಿ ಶುಭ ಕೋರಿದರು. ಲಾಕ್ಡೌನ್ ಸಡಿಲಿಕೆ ಆದ ಹಿನ್ನೆಲೆ ಬೆಳಗಾವಿ ವಿಮಾನ ನಿಲ್ದಾಣದಲ್ಲಿ ಪ್ರಯಾಣಿಕರ ಸಂಖ್ಯೆಯೂ ಹೆಚ್ಚುತ್ತಿದೆ. ಈ ಕಾರಣಕ್ಕೆ ವಿಮಾನಯಾನ ಸಂಸ್ಥೆಗಳು ಕೂಡ ತಮ್ಮ ಸೇವೆಗಳನ್ನು ವಿಸ್ತರಿಸುತ್ತಿವೆ. ಸಾಂಬ್ರಾ ವಿಮಾನ ನಿಲ್ದಾಣದ ನಿರ್ದೇಶಕ ರಾಜೇಶ್ ಕುಮಾರ್ ಮೌರ್ಯ ಹಾಗೂ ಸ್ಟಾರ್ ಏರ್ಲೈನ್ಸ್ ಸಿಬ್ಬಂದಿ ಈ ವೇಳೆ ಉಪಸ್ಥಿತರಿದ್ದರು.
