ಬೆಳಗಾವಿ : ಕೆಪಿಸಿಸಿ ಕಾರ್ಯಾಧ್ಯಕ್ಷ ಸತೀಶ್ ಜಾರಕಿಹೊಳಿ ಅವರ ಬಳಿ ಮಾಧ್ಯಮದವರು ಸಿಡಿ ವಿಚಾರವಾಗಿ ಪ್ರಶ್ನೆ ಕೇಳಿದರು. ಇದಕ್ಕೆ ಪ್ರತಿಕ್ರಿಯಿಸಿರುವ ಅವರು, ನಿಮ್ಮ ಕೈಮುಗಿದು ಕೇಳುತ್ತೇನೆ. ಸಿಡಿ ವಿಚಾರವಾಗಿ ಯಾವುದೇ ಕಾರಣಕ್ಕೂ ಏನನ್ನು ಕೇಳಬೇಡಿ ಎಂದು ಮನವಿ ಮಾಡಿಕೊಂಡಿದ್ದಾರೆ.
ನಗರದ ಕಾಂಗ್ರೆಸ್ ಕಚೇರಿಯಲ್ಲಿ ಮಾಜಿ ಗೃಹ ಸಚಿವ ಎಂ ಬಿ ಪಾಟೀಲ್, ರಾಮಲಿಂಗಾರೆಡ್ಡಿ ಜೊತೆಗೆ ಸಭೆ ನಡೆಸಿದ ಬಳಿಕ ಹೊರ ಬಂದ ಅವರನ್ನು ಮಾಧ್ಯಮದವರು ಪ್ರಶ್ನಿಸಿದರು. ಇದಕ್ಕೆ ಉತ್ತರಿಸಿದ ಅವರು, ಆ ಹುಡುಗಿ ಪೋಷಕರು ಆರೋಪ ಮಾಡಿದ್ರೆ ನಾ ಏನು ಮಾಡ್ಲೀ, ಅದರ ಬಗ್ಗೆ ಎಪ್ಪತ್ತು ಸಾರಿ ಹೇಳಿದ್ದೇನೆ. ನಿಮ್ಮ ಕೈಮುಗಿದು ಕೇಳುತ್ತೀನಿ, ಆ ಬಗ್ಗೆ ಏನೂ ಕೇಳಬೇಡಿ. ಪೋಷಕರ ಆರೋಪ, ಸಿಡಿ ವಿಚಾರವನ್ನು ಬಿಟ್ಟು ಬೇರೆ ಏನಾದರೂ ಕೇಳಿ ಎಂದಿದ್ದಾರೆ.
ಓದಿ:ಉಪಚುನಾವಣೆಯಲ್ಲಿ ಸಿಡಿ ಪ್ರಕರಣ ಬಿಜೆಪಿ ವಿರುದ್ಧವಾಗಲಿದೆ: ಸಿದ್ದರಾಮಯ್ಯ
ಪ್ರತಿದಿನ ಅದನ್ನೇ ಹೇಳುವುದಕ್ಕೆ ಆಗುವುದಿಲ್ಲ. ಕಾನೂನು ಇದೆ, ಪೊಲೀಸರಿದ್ದಾರೆ. ಅವರನ್ನು ರಕ್ಷಣೆ ಮಾಡೋದು ಪೊಲೀಸರ ಕೆಲಸ. ಪ್ರತಿದಿನ ಅದನ್ನೇ ಹೇಳಿ ಹೇಳಿ ಸಾಕಾಗಿದೆ. ನಿಮ್ಮ ಕೈಮುಗಿಯುತ್ತೇನೆ, ಸಿಡಿ ವಿಚಾರ ಪ್ರಸ್ತಾಪಿಸಿಬೇಡಿ ಎಂದು ಕೇಳಿಕೊಂಡರು.
