ಬೆಳಗಾವಿ: ನ್ಯೂ ಗಾಂಧಿನಗರದ ಖ್ವಾಜಾ ಗರೀಬ್ ನವಾಜ್ ಫೌಂಡೇಶನ್ ವತಿಯಿಂದ 26 ಲಕ್ಷ ರೂ. ಮೌಲ್ಯದ ದಿನಸಿ ಕಿಟ್ಗಳನ್ನು ಬಡ ಕುಟುಂಬಗಳಿಗೆ ವಿತರಿಸುವ ಕಾರ್ಯಕ್ಕೆ ಕೆಪಿಸಿಸಿ ಕಾರ್ಯಾಧ್ಯಕ್ಷ ಸತೀಶ್ ಜಾರಕಿಹೊಳಿ ಚಾಲನೆ ನೀಡಿದರು.
ಲಾಕ್ಡೌನ್ನಿಂದಾಗಿ ಸಂಕಷ್ಟಕ್ಕೆ ಸಿಲುಕಿಕೊಂಡಿರುವ ಸುಮಾರು 3 ಸಾವಿರ ಬಡ ಕುಟುಂಬಗಳಿಗೆ ದಿನಸಿ ಕಿಟ್ಗಳನ್ನು ವಿತರಿಸಲಾಗುತ್ತಿದೆ. ಫೌಂಡೇಶನ್ ವತಿಯಿಂದ ನಡೆಯುತ್ತಿರುವ ಈ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿರುವ ಶಾಸಕ ಸತೀಶ್ ಜಾರಕಿಹೊಳಿ, ವೈಯಕ್ತಿಕವಾಗಿ ಎರಡು ಲಕ್ಷ ರೂ.ಗಳನ್ನು ನೀಡುವುದರ ಮೂಲಕ ಫೌಂಡೇಷನ್ ಜನಪರ ಕಾರ್ಯಕ್ಕೆ ಸಾಥ್ ನೀಡಿ ಶ್ಲಾಘಿಸಿದರು.
ಮೊದಲ ಹಂತದ ಲಾಕ್‌ಡೌನ್ ಸಂದರ್ಭದಲ್ಲೂ ಗರೀಬ್ ನವಾಜ್ ಫೌಂಡೇಶನ್ ವತಿಯಿಂದ ಸುಮಾರು 1500 ಕುಟುಂಬಗಳಿಗೆ ಅಂದಾಜು 17 ಲಕ್ಷ ರೂ.ಗಳ ದಿನಸಿ ಕಿಟ್ಗಳನ್ನು ವಿತರಿಸಲಾಗಿತ್ತು. ರಂಜಾನ್ ಸಮಯದಲ್ಲೂ ಬಡ ಜನರ ನೆರವಿಗಾಗಿ ವಿಶೇಷ ಕಿಟ್ಗಳನ್ನು ನೀಡುವ ಯೋಜನೆ ಹಾಕಿಕೊಂಡಿದೆ. ಇದಕ್ಕಾಗಿ ಅಂದಾಜು 30 ಲಕ್ಷ ರೂ. ವ್ಯಯಿಸಲಿದೆ.
ಈ ಸಂದರ್ಭದಲ್ಲಿ ಅಜೀಮ ಪಟ್ವೆಗಾರ, ಮೌಲಾನಾ ಮುಷ್ತಾಕ್, ರಪೀಕ್ ಗೋಕಾಕ ಸೇರಿದಂತೆ ಇತರರು ಇದ್ದರು.
