ಬೆಳಗ್ಗೆ ಮಗನ ಸಾವು, ಸಂಜೆಯೇ ತಂದೆ ನಿಧನ: ಮೂಡಲಗಿಯಲ್ಲಿ ಮನಕಲಕುವ ಘಟನೆ

ಬೆಳಗ್ಗೆ ಮಗ ಸಾವಿಗೀಡಾದರೆ, ಸಂಜೆ ತಂದೆ ಇಹಲೋಕ ತ್ಯಜಿಸಿದ್ದಾರೆ. ಮಗನ ಸಾವಿನ ಸುದ್ದಿ ಕೇಳಿ ತಂದೆಯೂ ಸಾವಿಗೀಡಾಗಿರುವ ಘಟನೆ ಬೆಳಗಾವಿ ಜಿಲ್ಲೆಯ ಮೂಡಲಗಿ ಪಟ್ಟಣದಲ್ಲಿ ನಡೆದಿದೆ.

ಚಿಕ್ಕೋಡಿ: ಅನಾರೋಗ್ಯದಿಂದ ಬಳಲುತ್ತಿದ್ದ ಮಗ ಬೆಳಗ್ಗೆ ಸಾವಿಗೀಡಾದರೆ ಈ ಸುದ್ದಿ ತಿಳಿದ ಇವರ ತಂದೆ ಕೂಡ ಸಂಜೆ ಕೊನೆಯುಸಿರೆಳೆದಿರುವ ಮನಕಲಕುವ ಘಟನೆ ಬೆಳಗಾವಿ ಜಿಲ್ಲೆಯ ಮೂಡಲಗಿಯಲ್ಲಿ ನಡೆದಿದೆ.

ಮಗ ಅಶೋಕ ಶಿವರಾಯಪ್ಪ ಪತ್ತಾರ (58) ನಿನ್ನೆ ಬೆಳಗ್ಗೆ 8 ಗಂಟೆಗೆ ಸಾವನ್ನಪ್ಪಿದರೆ, ತಂದೆ ಸಂಜೆ 7 ಗಂಟೆ ವೇಳೆಗೆ ಶಿವರಾಯಪ್ಪ ಪತ್ತಾರ (94) ನಿಧನರಾಗಿದ್ದಾರೆ.

ವಿಶ್ವಕರ್ಮ ಸಮಾಜದ ಹಿರಿಯರಾಗಿದ್ದ ಇವರು ಮೂಡಲಗಿಯ ಗಾಂಧಿ ಚೌಕ ನಿವಾಸಿಗಳು. ಕುಟುಂಬದಲ್ಲಿನ ಈ ಇಬ್ಬರ ಸಾವು ಒಂದೇ ದಿನ ಸಂಭವಿಸಿದ್ದರಿಂದ ಇಡೀ ಗ್ರಾಮವೇ ಮಮ್ಮಲ ಮರುಗಿದೆ.