ನಮಸ್ಕಾರ ಶಾಸಕರೇ, ದೊಡ್ಡ ಮುಖಂಡರೆ ಎಂದು ಶಾಸಕ ಅನಿಲ್ ಬೆನಕೆ ಕಾಲೆಳೆದ ಪ್ರಭಾಕರ್​ ಕೋರೆ

ಬೆಳಗಾವಿ ನಗರದ ನ್ಯೂ ಸರ್ಕ್ಯೂಟ್ ಹೌಸ್‌ನಲ್ಲಿ ಕೇಂದ್ರ ಸಚಿವ ಸುರೇಶ್​ ಅಂಗಡಿ ಕರೆದಿದ್ದ ಸುದ್ದಿಗೋಷ್ಠಿ ವೇಳೆ ಶಾಸಕ ಅನಿಲ್ ಬೆನಕೆ ಮತ್ತು ರಾಜ್ಯಸಭಾ ಸದಸ್ಯ ಪ್ರಭಾಕರ ಕೋರೆ ಮುಖಾಮುಖಿಯಾಗಿದ್ದು, ಈ ವೇಳೆ ಬೆನಕೆಗೆ ಪರೋಕ್ಷವಾಗಿ ಕೋರೆ ಟಾಂಗ್ ನೀಡಿದ್ದಾರೆ.

ಬೆಳಗಾವಿ : ಉಮೇಶ್​​ ಕತ್ತಿ ಔತಣಕೂಟದಲ್ಲಿ ಭಾಗಿಯಾಗಿದ್ದ ಶಾಸಕ ಅನಿಲ್ ಬೆನಕೆಗೆ ನಮಸ್ಕಾರ ಶಾಸಕರೇ, ದೊಡ್ಡ ಮುಖಂಡರೆ ಎಂದು ರಾಜ್ಯಸಭಾ ಸದಸ್ಯ ಪ್ರಭಾಕರ್​ ಕೋರೆ ಕಾಲೆಳೆದಿದ್ದಾರೆ.

ನಗರದ ನ್ಯೂ ಸರ್ಕ್ಯೂಟ್ ಹೌಸ್‌ನಲ್ಲಿ ಕೇಂದ್ರ ಸಚಿವ ಸುರೇಶ್​ ಅಂಗಡಿ ಕರೆದಿದ್ದ ಸುದ್ದಿಗೋಷ್ಠಿ ವೇಳೆ ಶಾಸಕ ಅನಿಲ್ ಬೆನಕೆ ಮತ್ತು ಪ್ರಭಾಕರ ಕೋರೆ ಮುಖಾ ಮುಖಿಯಾಗಿದ್ದು, ಈ ವೇಳೆ ಬೆನಕೆಗೆ ಪರೋಕ್ಷವಾಗಿ ಕೋರೆ ಟಾಂಗ್ ನೀಡಿದ್ದಾರೆ.

ರಾಜಸಭಾ ಸದಸ್ಯ ಸ್ಥಾನಕ್ಕೆ ಈಗಾಗಲೇ ಉಮೇಶ್​ ಕತ್ತಿ ಸಹೋದರ ಹಾಗೂ ಕೋರೆ ನಡುವೆ ತೀವ್ರ ಪೈಪೋಟಿ ನಡೆದಿದ್ದು, ಇದಕ್ಕೆ ಪುಷ್ಠಿ ನೀಡುವಂತೆ ಉಮೇಶ್​ ಕತ್ತಿ‌ ಕೂಡ ಉತ್ತರ ಕರ್ನಾಟಕ 12 ಕ್ಕೂ ಹೆಚ್ಚು ಶಾಸಕರಿಗೆ ಭೋಜನ ಕೂಟ ಏರ್ಪಡಿಸಿ ರಾಜ್ಯಾದ್ಯಂತ ದೊಡ್ಡ ಸುದ್ದಿಯಾಗಿದ್ದರು.