ಬೆಂಗಳೂರು: ಗಾರ್ಡನ್ ಸಿಟಿಯ ಹಸಿರು ಮಾಯವಾಗಿದೆ. ಖ್ಯಾತ ಚಿತ್ರಗಾರ ಎಸ್.ಎ. ವಿಮಲನಾಥನ್ ಬೆಂಗಳೂರನ್ನೇ ತಮ್ಮ ಕಲಾವಸ್ತುವಾಗಿ ಆಯ್ದುಕೊಂಡು, ಹಸಿರು ಬೆಂಗಳೂರು ಈಗ ಕಲರ್ ಫುಲ್ ಸಿಟಿಯಾದ ಕತೆಯನ್ನು "ಸಿಟಿ ಲೈಟ್ಸ್" ಶೀರ್ಷಿಕೆಯಡಿ ನಗರವನ್ನು ತಮ್ಮ ಕುಂಚದಲ್ಲಿ ಚಿತ್ರಿಸಿದ್ದಾರೆ.
ಮನಸೆಳೆದ ಸಿಟಿ ಲೈಟ್ಸ್ ಕಲಾಯಾತ್ರೆ
ಒಂದೆಡೆ ಬೆಳೆಯುತ್ತಿರುವ ನಗರಗಳು, ಆಕಾಶಕ್ಕೆ ಮುತ್ತಿಡುವ ಕಟ್ಟಡಗಳು, ಮತ್ತೊಂದೆಡೆ ದೊಡ್ಡ ದೊಡ್ಡ ರೆಸ್ಟೋರೆಂಟ್ಗಳು, ಕೈಚಾಚಿದರೆ ಸಿಗಬಹುದೇನೋ ಎಂಬಂತೆ ನೈಜ್ಯವಾಗಿ ತೋರುವ ಮೋಡಗಳ ರಾಶಿ ಇವುಗಳ ನಡುವೆ ಆರೋಗ್ಯ ನೀಡುವ ಹಸಿರು ಮಾತ್ರ ಕಾಣೆಯಾಗುತ್ತಿದೆ ಇದನ್ನೇ ಕಲಾವಿದ ವಿಮಲನಾಥನ್ ಕುಂಚದಲ್ಲಿ ಚಿತ್ರಿಸಿದ್ದಾರೆ.
ಸ್ವಾತಂತ್ರ್ಯ, ಸಬಲೀಕರಣದ ಸಂದೇಶ ಅಡಗಿಸಿಕೊಂಡಿರುವ ಚಿತ್ರಗಳು ನೋಡುಗರ ಮನಸೂರೆಗೊಂಡವು. ದೇವತೆಗಳ ವಾಹನಗಳನ್ನು (ಪ್ರಾಣಿ, ಪಕ್ಷಿಗಳು) ಸಮಾಕಾಲಿನ ಮಹಿಳೆಯರ ಚಿತ್ರಗಳ ಜೊತೆ ಬಿಡಿಸಿ, ಮಹಿಳೆಯರ ಶಕ್ತಿಯನ್ನು ತಿಳಿಸುವುದರ ಜೊತೆಗೆ ಅಸಮಾನತೆಯ ವಿರುದ್ಧ ಧ್ವನಿ ಎತ್ತುವ ಚಿತ್ರಗಳನ್ನು ಚಿತ್ರಿಸಿದ್ದಾರೆ.
