ಬೆಂಗಳೂರು : ಇಲ್ಲಿನ ವಸಂತಪುರದಲ್ಲಿನ ಸಿರಿ ಎಂಬ ಅಪಾರ್ಟ್ಮೆಂಟ್ಗೆ ಬ್ರಿಟನ್ನಿಂದ ವಾಪಸಾಗಿದ್ದ ತಾಯಿ-ಮಗುವಿನಲ್ಲಿ ರೂಪಾಂತರ ಕೊರೊನಾ ವೈರಸ್ ಪತ್ತೆಯಾದ ಹಿನ್ನೆಲೆ ಅಪಾರ್ಟ್ಮೆಂಟ್ನ ಸೀಲ್ಡೌನ್ ಮಾಡಲಾಗಿದೆ.
ಅಪಾರ್ಟ್ಮೆಂಟ್ನ ಎರಡು ಬದಿಯೂ ಬ್ಯಾರಿಕೇಡ್ ಅಳವಡಿಕೆ ಮಾಡಿ ರಾತ್ರಿ ಕಾವಲಿಗೆ ಪೊಲೀಸ್ ಸಿಬ್ಬಂದಿ ನಿಯೋಜಿಸಲಾಗಿದೆ. ಸೋಂಕಿತರಿದ್ದ ಅಪಾರ್ಟ್ಮೆಂಟ್ ಹೊರತುಪಡಿಸಿ ಬೇರೆಡೆ ಯಥಾಸ್ಥಿತಿ ಮುಂದುವರೆದಿದೆ.
ಅಪಾರ್ಟ್ಮೆಂಟ್ನಲ್ಲಿರುವವರಿಗೆ ಅಗತ್ಯ ವಸ್ತು ಪೂರೈಕೆ ಮಾಡಲು ಓರ್ವ ಸ್ವಯಂ ಸೇವಕರನ್ನು ನೇಮಕ ಮಾಡಲಾಗಿದೆ. ಇವರು ಅಲ್ಲಿನ ನಿವಾಸಿಗಳಿಗೆ ಅಗತ್ಯ ವಸ್ತುಗಳನ್ನು ಪೊರೈಕೆ ಮಾಡಲಿದ್ದಾರೆ.
ಓದಿ: ಮತ ಎಣಿಕೆ ಬಹಿಷ್ಕರಿಸಿದ ಶಿರಗುಪ್ಪಿ ಹಾಗೂ ಹಳ್ಯಾಳ ಗ್ರಾಪಂ ಅಭ್ಯರ್ಥಿಗಳು
ರ್ಯಾಪಿಡ್ ಟೆಸ್ಟ್ : ಇದೇ ರಸ್ತೆಯಲ್ಲಿ ಅಕ್ಕಪಕ್ಕದ ನಿವಾಸಿಗಳಿಗೆ ಕೋವಿಡ್ ರ್ಯಾಪಿಡ್ ಟೆಸ್ಟ್ ನಡೆಸಲು ಕ್ಯಾಂಪ್ ಆರಂಭಿಸಲಾಗಿದ್ದು, ಆಶಾ ಕಾರ್ಯಕರ್ತೆಯರನ್ನು ಹೆಲ್ತ್ ಎರ್ಮಜೆನ್ಸಿಗೆ ನಿಯೋಜಿಸಲಾಗಿದೆ. 17 ತಿಂಗಳು ಮಗುವಿನಿಂದ 70 ವರ್ಷದವರು ಅಪಾರ್ಟ್ಮೆಂಟ್ನಲ್ಲಿ ವಾಸವಾಗಿದ್ದು, ಅವರ ಆರೋಗ್ಯದಲ್ಲಿ ಏರುಪೇರು ಕಂಡು ಬಂದಾಗ ಚಿಕಿತ್ಸೆ ನೀಡಲು ವ್ಯವಸ್ಥೆ ಮಾಡಲಾಗಿದೆ.
ಅಪಾರ್ಟ್ಮೆಂಟ್ ಸುತ್ತಮುತ್ತ ಪ್ರದೇಶದಲ್ಲಿ ಯಾರಿಗಾದರೂ ರೋಗದ ಗುಣಲಕ್ಷಣ ಇದ್ದರೂ ರ್ಯಾಪಿಡ್ ಟೆಸ್ಟ್ನಲ್ಲಿ ಪಾಸಿಟಿವ್ ಬಂದರೆ ಅಂತವರಿಗೆ ಆರ್ಟಿಪಿಸಿಆರ್ಗೂ ವ್ಯವಸ್ಥೆ ಮಾಡಲಾಗಿದೆ. ಯಾರು ಬೇಕಾದರೂ ನಿವಾಸಿಗಳು ಆರೋಗ್ಯ ಸಹಾಯ ಪಡೆಯಬಹುದು. ಒಂದು ಕಾಮನ್‌ ನಂಬರ್ಗೆ ನಿವಾಸಿಗಳು ಕರೆ ಮಾಡಲಿದ್ದಾರೆ. ಆ ನಂಬರ್ ಮೂಲಕ ಆರೋಗ್ಯ ಸೇವೆ ಕೊಡಲಾಗುತ್ತದೆ ಎಂದು ಪಾಲಿಕೆ ಸಿಬ್ಬಂದಿ ತಿಳಿಸಿದ್ದಾರೆ.
