ಬೆಂಗಳೂರು: ಸುಬ್ರಹ್ಮಣ್ಯಪುರ ಠಾಣೆಯ ರೌಡಿಶೀಟರ್ ಆಗಿರುವ ಕುಳ್ಳ ರಿಜ್ವಾನ್ನನ್ನು ಗೂಂಡಾ ಆ್ಯಕ್ಟ್ನಡಿ ಬಂಧಿಸಲಾಗಿತ್ತು. ಆರೋಪಿ ಬ್ಯಾರಕ್ನಲ್ಲೇ ಇದ್ದುಕೊಂಡು ತನ್ನ ಹುಟ್ಟುಹಬ್ಬದ ದಿನ ಕೇಕ್ ಕಟ್ ಮಾಡಿದ್ದಾನೆ. ಸದ್ಯ ಈ ವಿಡಿಯೋ ವೈರಲ್ ಆಗಿದೆ.
ರೌಡಿಗಳು ಪುಂಡಾಟಿಕೆ ನಡೆಸುವ ಹಿನ್ನೆಲೆಯಲ್ಲಿ ಪೊಲೀಸರು ಅವರ ವಿರುದ್ಧ ಕೇಸ್ ಹಾಕಿ, ಜೈಲಿಗೆ ಕಳುಹಿಸ್ತಾರೆ. ಆದ್ರೆ ಈ ರೌಡಿಗಳಿಗೆ ತಾವಿರುವ ಪ್ರದೇಶಗಳಿಗಿಂತ ಜೈಲೇ ವಾಸಿ ಅನ್ನಿಸುವಂತಿದೆ. ಏಕೆಂದರೆ ಇಲ್ಲೊಬ್ಬ ರೌಡಿ ಜೈಲಿನಲ್ಲಿ ಅದ್ಧೂರಿಯಾಗಿ ತನ್ನ ಹುಟ್ಟುಹಬ್ಬ ಆಚರಿಸಿದ್ದಾನೆ.
ಓದಿ: ಫ್ಲೈಓವರ್ ಮೇಲೆ ಸರಣಿ ಅಪಘಾತ.. ಸಿಲಿಕಾನ್ ಸಿಟಿ ಜನರಿಗೆ ಬೆಳ್ಳಂಬೆಳಿಗ್ಗೆ ಟ್ರಾಫಿಕ್ ತಲೆಬಿಸಿ - ವಿಡಿಯೋ
ಹುಟ್ಟುಹಬ್ಬ ಆಚರಣೆಯ ವಿಡಿಯೋವನ್ನು ಈ ರೌಡಿಶೀಟರ್ ಚಲನಚಿತ್ರವೊಂದರ ಸಾಂಗ್‌ ಹಾಕಿ ಎಡಿಟ್ ಮಾಡಿದ್ದಾನೆ. ಈ ವಿಡಿಯೋ ಇದೀಗ ಎಲ್ಲೆಡೆ ವೈರಲ್ ಆಗಿದೆ.
ಈ ರೌಡಿಗೆ ಜೈಲಿನಲ್ಲಿ ಸ್ಮಾರ್ಟ್‌ ಫೋನ್ ಸಿಕ್ಕಿದ್ದು ಹೇಗೆ?, ಜೈಲಿನಲ್ಲಿ ಇಷ್ಟೆಲ್ಲಾ ಸೌಲಭ್ಯಗಳನ್ನು ಆತನಿಗೆ ಹೇಗೆ ನೀಡಲಾಗುತ್ತಿದೆ? ಎಂಬ ಪ್ರಶ್ನೆಗಳು ಮೂಡಿವೆ.
