ಸುರಂಗ ಕೊರೆದು ಹೊರ ಬಂದ ವಾಮಿಕ ಯಂತ್ರ: ಚುರುಕು ಪಡೆದ ನಮ್ಮ ಮೆಟ್ರೋ ಕಾಮಗಾರಿ

ಮೆಟ್ರೋ ಕಾಮಗಾರಿಯೂ ವೇಗವಾಗಿ ನಡೆಯುತ್ತಿದ್ದು, ಇಂದು 614 ಮೀಟರ್​​ ಸುರಂಗ ಕೊರೆದು ವಾಮಿಕಾ ಹೆಸರಿನ ಸುರಂಗ ಕೊರೆಯುವ ಯಂತ್ರ ಹೊರ ಬಂದಿದೆ.

ಬೆಂಗಳೂರು: ನಮ್ಮ ಮೆಟ್ರೋ ಕಾಮಗಾರಿ ತ್ವರಿತಗತಿಯಲ್ಲಿ ಸಾಗುತ್ತಿದ್ದು, ಇಂದು ವಾಮಿಕಾ ಹೆಸರಿನ ಸುರಂಗ ಕೊರೆಯುವ ಯಂತ್ರ ಹೊರ ಬಂದಿದೆ.

2021ರ ಜೂನ್ 29 ರಂದು ಸುರಂಗ ಕೊರೆಯುವ ಕಾರ್ಯಕ್ಕೆ ಚಾಲನೆ ನೀಡಲಾಗಿತ್ತು.‌ ಇದೀಗ 7 ತಿಂಗಳ ಬಳಿಕ ವಾಮಿಕ ಯಂತ್ರವೂ ಹೊರ ಬಂದಿದೆ. ಡೈರಿ ಸರ್ಕಲ್​​ನಲ್ಲಿ ಸುರಂಗ ಕೊರೆಯಲು ಪ್ರಾರಂಭಿಸಿದ ವಾಮಿಕ ಹೆಸರಿನ ಸುರಂಗ ಕೊರೆಯುವ ಸ್ಲರಿ ಆಧಾರಿತ ಯಂತ್ರವು 614 ಮೀಟರ್ ಸುರಂಗ ಕೊರೆಯುವುದನ್ನು ಪೂರ್ಣಗೊಳಿಸಿದೆ.‌

ಡೈರಿ ಸರ್ಕಲ್ ಮತ್ತು ಲಕ್ಕಸಂದ್ರ ಮೆಟ್ರೋ ನಿಲ್ದಾಣಗಳ ನಡುವಿನ ಸುರಂಗ ಕೊರೆಯುವ ಕಾಮಗಾರಿಯನ್ನು ಪ್ರಾರಂಭಿಸಬೇಕಾಗಿದೆ. ಈ ಹಿಂದೆ ಸುರಂಗ ಕೊರೆಯುವ ಊರ್ಜಾ, ವಿಂಧ್ಯಾ, ಅವನಿ ಯಂತ್ರಗಳು ಹೊರ ಬಂದಿದ್ದವು. ಇದೀಗ ವಾಮಿಕ ಯಂತ್ರ ಹೊರ ಬಂದಿರುವುದಾಗಿ ಬಿಎಂಆರ್​​​ಸಿಎಲ್ ಪ್ರಕಟಣೆ ಹೊರಡಿಸಿದೆ.

ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ