ಆನೇಕಲ್: ಕರ್ನಾಟಕ-ತಮಿಳುನಾಡು ಗಡಿ ಗೋಪುರಕ್ಕೆ ಟಿಪ್ಪರ್ ಲಾರಿ ಡಿಕ್ಕಿ ಹೊಡೆದು ಐತಿಹಾಸಿಕ ಗೋಪುರದ ಒಂದು ಭಾಗ ಧ್ವಂಸಗೊಂಡಿದೆ. ಈ ಘಟನೆ ಅತ್ತಿಬೆಲೆಯಲ್ಲಿ ನಡೆಯಿತು. ತಮಿಳುನಾಡಿನ ಹೊಸೂರು ಕಡೆಯಿಂದ ರಾಜ್ಯಕ್ಕೆ ಈ ಲಾರಿ ಸಂಚರಿಸುತ್ತಿತ್ತು.
ಕರ್ನಾಟಕ- ತಮಿಳುನಾಡು ಗಡಿ ಗೋಪುರಕ್ಕೆ ಲಾರಿ ಡಿಕ್ಕಿ
ಕನ್ನಡ ಪರ ಹೋರಾಟಗಾರರು ಪ್ರತಿಭಟನೆ ನಡೆಸಿ, ಕನ್ನಡ ಅಭಿವೃದ್ಧಿ ಪ್ರಾಧಿಕಾರ ಹಾಗೂ ಸರ್ಕಾರಕ್ಕೆ ಗಡಿ ರಕ್ಷಣೆ ಬಗ್ಗೆ ಕಾಳಜಿ ಇಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಪಾರಂಪರಿಕ ಗಡಿ ಗೋಪುರ ಮರು ನಿರ್ಮಾಣ ಮಾಡುವಂತೆ ಆಗ್ರಹಿಸಿ, ಈ ರೀತಿಯ ಅವಘಡಕ್ಕೆ ಕಾರಣರಾದವರ ವಿರುದ್ಧ ಕ್ರಮವಾಗಬೇಕೆಂದು ಒತ್ತಾಯಿಸಿದರು. ಟಿಪ್ಪರ್ ಲಾರಿ ಹೆದ್ದಾರಿಗೆ ಉರುಳಿ ಬಿದ್ದು ಕೆಲ ಕಾಲ ವಾಹನ ದಟ್ಟನೆ ಉಂಟಾಗಿತ್ತು.
ಇದನ್ನೂ ಓದಿ: ಟೋಲ್ ತಪ್ಪಿಸಲು ಅನ್ಯಮಾರ್ಗದಲ್ಲಿ ಹೋಗಿ ಅಪಘಾತಕ್ಕೆ ತುತ್ತಾದ ಕ್ಯಾಬ್.. ಚಾಲಕ - ಯುವತಿ ಸೇಫ್
